Անհայրենիք Дармоед-ներից փրկիչ էիր ուզում ստանալ, ժողովուրդ, դրա համար էլ քո տունը մնաց թշնամուն

Տարիներ շարունակ այսօրվա իշխանավորները պարզապես վայրահաչել են, թե՝ մենք ինքնիշխանությունից զրկվել ենք, սուվերենություն չենք ունեցել։ Հիշում եք, չէ՞, դարձրել են մեզ ռուսներին գերի և այլն ու նաև դա շահարկելով եկան իշխանության։ Գազի գնի համար, հոսանքի գնի համար ու ամեն ինչի համար ասում էին՝ ռուսներն են մեղավոր, ռուսներին ենք տվել, դրա համար է սենց, որովհետև մեր սուվերենությունը չկա։ Դուք էլ, ժողովուրդ, կրկնում էիք, թե՝ Ռոբերտ Քոչարյանը, Սերժ Սարգսյանը ամեն ինչ տվեցին ռուսներին։ Ասում էիք՝ Քոչարյանը «գույք պարտքի դիմաց» ծրագրով Հայաստանից գործարաններ տվեց ռուսներին։ Իրականում էն ձեռնարկություները, որ մինչ իր ղեկավարելը գոյացած պարտքի դիմաց տվել էր, Հայաստանի խոշորագույն հարկատուներն են այսօր, քանդվող շենքերն ու մետաղի ջարդոնները Ռուսաստանը սարքել է գործարան, այնտեղ աշխատում են մեր քաղաքացիները, հարկեր են տալիս, պետբյուջեն սնվում է։

 

Ինքնիշխանությունը անդադար շահարկող իշխանությանը հարցնեմ, լավ, իսկ դո՞ւք ինչ եք արել։ Այն, ինչ տվել եք, իրականում ինքնիշխանությունից հրաժարում է։ Ասում էիք, ինքնիշխանություն, ձեր, անձամբ ձեր ջանքերով ու սխալների արդյունքում 42 հազար քառակուսի կիլոմետրից թողել եք 30 հազարը ու ասում եք ինքնիշխանությո՞ւն։ Դուք երես ունեք խոսելու ինքնիշխանությունից ու անվտանգությունի՞ց։ Մարդիկ, որ անդադար ասում էին՝ ամեն ինչ տվել են ռուսներին, հիմա, խնդրեմ, ռուս խաղաղապահներին խնդրում եք հրադադարը հսկեն, ռուսներին խնդրում եք, որ փախստականների համար կացարան սարքեն, ռուսներին խնդրում եք սնունդ բաժանեն, ռուսներն են սահմանները գծում, գերիներին ռուսներն են վերադարձնում։ Բա դո՞ւք ինչի համար եք, այ ինքնիշխաններ։ Դա ե՞ք ինքնիշխանութուն կոչում։ Ինքնիշխան երկիր ընդամենը մեկ ժամով Ռուսաստանի անվտանգության ծառայության տնօրեն է գալիս, ու խնդրում ենք գնա Ալիևի հետ խոսի Հայաստանի սահմանազատումների հարցով։

Պատերազմի առաջին օրը Նիկոլը արդեն զանգում էր Պուտինին ու օգնություն խնդրում։ Այդ օրերին պաշտոնյաներն ու հակառուսները խանութներում օճառ չէին թողել, հիմա էլ էն սապոնվում։ Գիտե՛ք ինչի համար։ Ու էս ապիկար, տգետներն ասում էին, թե նախկինները ռուսների վասա՞լն են։ Ինչը չկարողացաք պահել, հանձնեցիք թուրքերին, մյուս մասն էլ թղթով հանձնեցիք, մնացածի պատասխանատվությունն էլ ռուսներին, այ հայրենիք օտարողներ։

 

30 տարի Հայաստանը հայտարարում էր, որ Արցախի անվտանգության երաշխավորն է, այսօր Ռուսաստանի Դաշնության նախագահն է հայտարարում, որ Ռուս խաղաղապահներն Արցախի անվտագության երաշխավորն են։ Մեր սահմանները գծում են ռուսներն ու ադրբեջանցիները, շատ դեպքերում՝ միայն ադրբեջանցիները, մեր քաղաքացիներին ժամանակ են տալիս մեկ ժամում տնից գնալու համար։ Ու սրանք խոսում են ինքնիշխանությունի՞ց, ընդանհրապես ինչ-որ իշխանությունի՞ց։

 

Ինքս կարծում եմ, ու միշտ եմ բարձրաձայնել, որ Հայաստանի ապագան Ռուսաստանի հետ ռազմավարական համագործակցության մեջ է և չի կարելի ավանդական վստահությունը վտանգի տակ դնել։ Սակայն եթե առաջ կար մանևրելու հնարավրություն, այլ խաղացողների հետ ևս հնարավոր էր աշխատել, Նիկոլը այլևս չի թողել այդ հնարավորությունը։ Ոչ գործընկերություն պահեցիք, ոչ բարեկամություն, ոչ ռազմավարական գործընկերություն, ոչ ինքնիշխանությունը չկարողացաք պահել։ Նախ կիլոմետրերով զիջեցիք, հիմա մետրերով ու արդարանում եք՝ թե մենք տնօրինել ենք ուրիշի հողերի, ուրիշի հողերը մեզանով էինք արել։

 

Անհայրենիք Дармоед-ներից փրկիչ էիր ուզում ստանալ, ժողովուրդ, դրա համար էլ քո տունը մնաց թշնամուն։ Մեկ բան կարող ես անել հիմա՝ կամ հեռացնել, կամ «վայելել» ընտրածիդ պտուղները։