ՌԴ-ում ԱՄՆ դեսպանը հրաժարվել է պատվաստվել կորոնավիրուսի դեմ ռուսական պատվաստանյութով

27 Դեկտեմբեր, 2020 23:00

Դիտել նաև

Հայաստանի Հանրապետությունում շարունակվում են շրջանառվել ռինովիրուսի, ռեսպիրատոր սինցիտիալ վիրուսի, պարագրիպի, ադենովիրուսի, COVID-19-ի հարուցիչները Ամերիկացիներին կոչ են անում կորոնավիրուսը բուժել կենդանիների ճիճվաթափության դեմ նախատեսված դեղամիջոցով Թուրքիայում արագորեն աճում է COVID-19-ի հնդկական շտամով վարակման դեպքերը Մրցույթ` Covid-19-ը. ռազմավարություններ. մոդելներ, սիմուլյացիաներ Մենք վերջին 30 տարում չենք եղել այսքան ծանր պայմաններում, եւ հիմա կարելի է ինչ-որ չափով կանխատեսումներ անել վերաֆինանսավորման տոկոսադրույքի ազդեցության վերաբերյալ, սակայն միշտ մտքում պահելով «եթե» բառը:

Ռուսաստանում ԱՄՆ դեսպանատան մամուլի քարտուղար Ռեբեկա Ռոսը թվիթերյան գրառում է կատարել, որում հայտարարել է, որ դեսպան Ջոն Սալիվանը չի ցանկանում պատվաստվել ռուսաստանցիների համար նախատեսված «Սպուտնիկ V» կորոնավիրուսի դեմ պատվաստանյութով:

«Դեսպանը ցանկանում է շնորհակալություն հայտնել Ռուսաստանի ԱԳՆ-ին պատվաստանյութն առաջարկելու կապակցությամբ: Այդուհանդերձ, նա չի ցանկանում պատվաստվել ռուսական պատվաստանյութով, որը նախատեսված է Ռուսաստանի քաղաքացիների համար: Մենք շնորհակալ ենք, որ երկու ամերիկայն պատվաստանյութերն այժմ հաստատված են եւ արդեն օգնում են մարդկանց պայքարել կորոնավիրուսի դեմ ԵՄ-ում, Մեծ Բրիտանիայում, Հարավային Ամերիկայում եւ ԱՄՆ-ում:

Այդուհանդերձ, քանի որ Ռուսաստանի ԱԳՆ-ն լսում է մեր տոնական մաղթանքները եւ հայտարարում Ձմեռ Պապի հետ կապերի մասին, լավագույն նվերը կդառնար ԱՄՆ ապօրինի պահվող քաղաքացիներին՝ Փոլ Ուիլանին եւ Թրեւոր Ռիդին անհապաղ ազատելը»,-նշված է ՌԴ-ում ԱՄՆ դեսպանատան ներկայացուցչի հայտարարության մեջ:

Հիշեցնենք, որ նախօրեին Ռուսաստանի ԱԳՆ-ում կատակել են՝ ի պատասխան նամակի, որը Մոսկվայում ԱՄՆ դեսպան Ջոն Սալիվանն ուղարկել էր Սանտա Կլաուսին եւ խնդրել նվիրել իրեն հոքեյի նոր ձող, COVID-19-ի դեմ պատվաստանյութ եւ վազելու կոշիկներ:

Ռուսաստանի ԱԳՆ-ից Սալիվանին առաջարկել էին պատվաստվել կորոնավիրուսի դեմ ռուսական պատվաստանյութով, որը հաստատված է 60 տարեկանից բարձր մարդկանց շրջանում կիրառելու համար: