Իշխանությունը կորցնելու դեպքում դատի տրվող իշխանությունների միջոցով արդա՞ր ընտրություններ, ձեռ եք առնո՞ւմ....

Գերագույն գլխավոր ստախոսը նոր բան չի հայտարարել: Իր հայտարարած այսպես կոչված ճանապարհային քարտեզում էլ նշել էր արտախորհրդարանական ընտրությունների անցկացման անհրաժեշտությունը:

Ընտրելու իրավունք ունեցող քաղաքացիների 35 տոկոսի ձայներով իրեն ժողովրդի վարչապետ հռչակած ու իշխանությունը բռնազավթած անձի նպատակը մեկն է: Ինչ-որ հրաշք պատահելու հույսով բառախաղերով ժամանակ ձգել:

Պատերազմում պարտություն կրած և աթոռը կորցնելու դեպքում դատարանի առջև կանգնող իշխանությունների միջոցով ոչ մի արտահերթ արդար ընտրություններ չեն կարող անցկացվել: Ցանկացած տրամաբանող միտք դա կարող է հասկանալ:

Գերագույն գլխավոր ստահակի նպատակը շատ պարզ է: Վերարտադրել իր իշխանությունը, խույս տալ արածի ու չարածի համար պատասխանատվության ենթարկվելուց և ավարտին հասցնել սև գործը, որի համար եկել է իշխանության և դա պահելու համար թշնամու հետ գործարքի մեջ մտնելով ընդունակ է ամեն ինչի:

Քիչ ժամանակ է մնում: Ընդդիմությանն անհրաժեշտ են առավել վճռական քայլեր: Վաղը ուշ կլինի:

 

Ռոբերտ Մարգարյանի ֆեյսբուքյան էջից

Հիշեցնենք, որ քիչ առաջ Նիկոլ Փաշինյանը ֆեյսբուքյան իր էջում գրառում է արել՝ նշելով, որ քաղաքական ուժերին հրավիրում է խորհրդակցությունների՝ արտահերթ ընտրությունների անցկացման հարցով։