Սերժ Սարգսյանի համակուրսեցուց բողոքող ծնողների նամակը հասել է վարչապետին
Վարչապետ Կարեն Կարապետյանը երեկ ստացել է Մոնթե Մելքոնյանի անվան թիվ 11 դպրոցի ծնողների նամակը: Այս մասին NewsBook-ին տեղեկացրին Կառավարության լրատվության վարչությունից:
«Մենք երեկ ենք ստացել նամակը, համապատասխան ընթացքի մեջ է, և արդեն փոխանցվել է վարչապետին: Դրա պատասխանի մասին մենք անպայման կտեղեկացնենք»,- փոխանցեցին լրատվականից:
Հիշեցնենք, որ օրեր առաջ Մոնթե Մելքոնյանի անվան 11 դպրոցի մի խումբ ծնողներ նամակ էին գրել վարչապետին, որում խնդրում էին միջամտել դպրոցում արմատացած բացասական երևույթների դեմ պայքարելու համար:
Նամակում խոսվում էր, որ դպրոցի տնօրեն Ռուզաննա Ազիզյանը պարտադրում է կրել դպրոցական համազգեստներ, որի արժեքն է 5000-10000, դրանք աշակերտները կրում են զզվանքով, քանի որ անորակ են և 4 համար մեծ: Իրականում դրանց արժեքը չի գերազանցում 2000 դրամը: 9-րդ դասարանցիները, որոնք արդեն ավարտել են դպրոցը, դպրոցին են թողել իրենց գնած համազգեստը, իսկ Ռ. Ազիզյանը այդ համազգեստները նորից վերավաճառում է երեխաների վրա:
Ի դեպ, դպրոցի տնօրենը Սերժ Սարգսյանի համակուրսեցին է եղել:
Հետևեք մեզ Facebook-ում