Ռուսաստանն ու Աբխազիան կողմ են Հայաստան տարանցիկ ճանապարհի վերականգնմանը. Սերգեյ Լավրով (տեսանյութ)

Ռուսական կողմը ոչ մի խնդիր չունի այն հարցի վերաբերյալ, որ վերականգնվի Աբխազիայից Հայաստան բեռնափոխադրումը: Այս մասին ապրիլի 19-ին հայտարարեց ՌԴ ԱԳՆ ղեկավար Սերգեյ Լավրովը Աբխազիայի նախագահի հետ համատեղ մամուլի ասուլիսի ժամանակ, Սուխումում: Փոխանցում է Rusarminfo.ru-ն:

«Տարանցիկի համար առկա է անգամ իրակավական հիմք: Այն կարող է հիմնվել այն պայմանավորվածությունների վրա, որոնք ձեռք են բերվել Ռուսաստանի և Միջազգային առևտրային կազմակերպության միջև 2011 թվականին, երբ անդամակցում էինք կառույցին: Մենք գիտենք, որ մեր հայ գործընկերները հետաքրքրված են տարանցիկի վերականգնման հարցում: Այսօր Աբխազիայի նախագահն ասաց, որ հանրապետությունը դեմ չէ դրան, այդ իսկ պատճառով դա արդեն մեղանից չէ կախված, այլ այն երկրներից, որտեղ ուղղված է այդ տարանցիկը», - ասաց ՌԴ արտգործնախարարը:

Աբխազիայի նախագահ Ռաուլ Խաջիմբան հաստատեց, որ հանրապետությունը պատրաստ է բեռների տարանցիկ փոխանցման Ռուսաստանից Հայաստան, քանի որ դա լրացուցիչ միջոցներ կապահովի երկրի բյուջեի համար:

«Եթե վրացական կողմը պատրաստ կլինի, ես չեմ կասկածում, որ գործընթացը կարող է կարգավորվել, և այն շահավետ կլինի Աբխազիայի համար», - ասաց աբխազ նախագահը:

Zham.am