Ես իմ ոչ մի հարցի պատասխան չեմ ստացել, բավարարված չեմ մեր Կառավարությունից. անհետ կորած զինծառայողի հայրը՝ Փաշինյանի հետ հանդիպման մասին. Տեսանյութ

Ես իմ ոչ մի հարցի պատասխան չեմ ստացել, բավարարված չեմ մեր Կառավարությունից: Այս մասին այսօր Կառավարության դիմաց լրագրողների հետ զրույցում ասաց անհետ կորած զինծառայողներից մեկի հայրը՝ խոսելով Նիկոլ Փաշինյանի հետ հանդիպման մասին:

Ծնողը չմանրամասնեց, թե կոնկրետ ինչ քննարկում է եղել: Նա չցանկացավ խոսել բոլոր ծնողների անունից, սակայն շեշտեց՝ այն հարցերը, որոնք նա է բարձրաձայնել, այդ թվում ԴՆԹ երկրորդ սարքի անհրաժեշտության մասին, որևէ մեկի կողմից պատասխան չի ստացել: «Ամեն դեպքում, ԴՆԹ անալիզ անող երկրորդ ապարատը մինչև այս տարվա ավարտ չի լինի Հայաստանում»,– ասաց նա:
 
Հիշեցնենք, որ անհետ կորած զինծառայողների ծնողները տևական ժամանակ է՝ ակցիաներ են անում՝ պահանջելով օր առաջ զբաղվել իրենց երեխաներին գտնելու ուղղությամբ որոնողական աշխատանքներ իրականացնելու համար: Սակայն նրանք նշում են, որ որևէ հանդիպում արդյունք չի ունեցել, Կառավարությունը ոչինչ չի կարողանում անել:

Աղբյուր՝ Tert.am

Zham.am