Բոլոր տարածքները մենք կորցրեցինք հանցավոր անգործության արդյունքում

Եթե մի քանի հազար ոստիկաններին, որոնք այսօր  զբաղված են վարչապետի անձին ժողովրդից պաշտպանելով, ժամանակին ուղարկեինք Սյունիք, ստիպված չեինք լինի այդքան ռազմավարական, միջազգային և հանրապետական նշանակության ճանապարհներ, հողեր, բարձունքներ, արոտավայրեր, նույնիսկ դպրոց ու տներ զիջել թշնամուն, միայն այն պատճառով, որ պետությունը մեր գյուղացիներին թողեց մեն մենակ զինված թուրքերի դեմ։ Այդ բոլոր տարածքները մենք կորցրեցինք պատասխանատու  պաշտոնատար անձանց ՀԱՆՑԱՎՈՐ անգործությա ն արդյունքում։ Այսինքն Հանցավոր անգործության պատճառով Հայաստանը կրել է տարածքային և գույքային կորուստներ, և պատկան մարմինները, մինչ այսօր քրեական գործ չեն հարուցել տվյալ անձանց նկատմամբ՝ սկսած Նախագահից ու Վարչապետից, որոնք Սահմանադրության և երկրի տարածքային ամբողջականության երաշխավորնն են, վերջացրած ՊՆ նախարարից, սահմանապահ զորքերի հրամանատարից։ Փոխարենը գործեր են հարուցվել ու բերման են ենթարկվել անձիք (Գորիսի, Քաջարանի, Սիսիանի քաղաքապետները), որոնք կամավորական ջոկատների հրամանատարներն են ու պետական ինստիտուտների անգործության պայմաններում իրենց վրա են վերցրել երկրի պետական սահմանը թշնամուց պաշտպանելու ֆունկցիաները։