ՌԴ քաղաքացիություն հայերին. Կրեմլը գործում է Արցախում, ինչպես Ղրիմում. Haberturk

Habertürk-ը հոդված է հրապարակել, որում անդրադարձել է Արցախյան երկրորդ պատերազմի արդյունքներով ստորագրված եռակողմ հայտարարությանը՝ Հայաստանի, Ռուսաստանի և Ադրբեջանի միջև, ինչպես նաև Ռուսաստանի գործողություններին խաղաղապահներին Արցախում տեղակայելուց հետո։ 

«Այստեղ չափազանց կարևոր է Ռուսաստանի նախագահ Վլադիմիր Պուտինի մոտեցումը, ըստ որի «Լեռնային Ղարաբաղի ստատուս-քվոն պետք է պահպանվի»։ Դրանից ելնելով, Լեռնային Ղարաբաղը ենթակա չէ ճանաչման աշխարհի և ոչ մի պետության կողմից, այդ թվում՝ Հայաստանի։ Անգամ եթե այսպիսի երկրների կողմից, ինչպիսիք են Ֆրանսիան, Բելգիան, ինչ-որ քայլեր ձեռնարկվեն, ապա որպեսզի դրանք պետական որոշման տեսք ստանան, ՄԱԿ-ը պետք է նոր դիրքորոշում ցուցադրի... Մի քանի օր առաջ մամուլի ասուլիսի ժամանակ Պուտինը ասաց, որ. «ստատուս-քվոն պետք է ֆիքսվի և փոխանցվի ապագա, ապահովելով կապը Լեռնային Ղարաբաղի և Հայաստանի միջև, ինչի համար էլ ստեղծվել է Լաչինի միջանցքը Լեռնային Ղարաբաղի հետ»», - ասվում է հոդվածում։ 

Հոդվածում նշվում է, որ Ռուսաստանը մտադիր է Լեռնային Ղարաբաղի կախվածությունը Հայաստանից վերաուղղել իր կողմը։ 

«Նախատեսվում է ուղիղ ավիաչվերթներ սկսել Մոսկվայի և Ստեփանակերտի միջև, որտեղ ռուսական ռազմակայան է տեղակայված։ Համապատասխան նախապատրաստական աշխատանքներ են տարվում։ Օդանավակայանի մերձակայքում նախատեսվում է հումանիտար օգնության կենտրոն ստեղծել, և, ինչպես պնդում են, ռուսական ռազմակայան։ Ինչպես հաղորդվում է, հղելով որոշ ռուսական աղբյուրների, ռուսախոսների թիվը Լեռնային Ղարաբաղում հետզհետե ավելանալու է։ Նախապատրաստական աշխատանքների թվում են՝ լայնածավալ ներդրումներ ճանապարհաշինության, դպրոցաշինության, ենթակառուցվածքների գործում։ Որոշ աղբյուրներ չեն թաքցնում, որ դիտարկվում է Լեռնային Ղարաբաղում բնակվող հայերին ռուսական քաղաքացիության տրամադրում», - նման եզրահանգման է գալիս հոդվածի հեղինակը։ 

Նշվում է, որ Ռուսաստանի քաղաքացիություն տրամադրելը, Ղրիմի, Աբխազիայի, Դոնբասի օրինակով, չի հակասում պաշտոնական Կրեմլի կողմից տարվող քաղաքականությանը։ 

Zham.am