Նիկոլ Փաշինյանը ինձ հիշեցնում է տխրահռչակ Գորբաչովին. Անդրանիկ Թևանյան
Հանրապետության հրապարակում տեղի է ունեցել գողություն եւ գողոնը՝ այսինքն ժողովրդի վստահությունը, սպասելիքները, ակնկալիքները եւ ի վերջո իշխանությունը պետք է վերադարձնել ժողովրդին։ Այս մասին այսօր՝ դեկտմեբերի 22-ին, Հանրապետության հրապարակում հայտարարեց «Պոլիտեկոնոմիա» հետազոտական ինստիտուտի ղեկավար Անդրանիկ Թեւանյանը:
«Տեղի է ունեցել թալան, գողացել են բյուջետային միջոցները, անունը դրել են պարգեւավճար, գողացել են մեր Արցախ հայրենիքը, անունը դրել են մարտավարական նահանջ, ոչ ասենք այդ ստախոս սրիկաներին, որոնք մեզ «հաղթելու ենք» կոչերի ներքո տարան պարտության եւ կապիտուլյացիայի։
Երկու տարի առաջ ես առիթ ունեցա գրելու, որ Նիկոլ Փաշինյանը ինձ հիշեցնում է տխրահռչակ Գորբաչովին։ Նա Գորբաչովի նման ստախոս է, Գորբաչովի նման դատարկախոս եւ պետության քանդող։ Հիշո՞ւմ եք՝ ինչ էր ասում Գորբաչովը Բաքվի ու Սումգայիթի ջարդերից հետո. դատարկախոսությամբ էր զբաղված։ Իսկ հիշո՞ւմ եք՝ մեր հայազգի պատգամավորը ինչ ասեց նրան։ Նիկոլ Փաշինյանը ստում է եւ պարտության է տանում Հայաստանը։
Մենք բոլորս պետք է մաքրվենք այդ կեղտից, նահանջել չկա, հոգնել չկա, որովհետեւ նահանջելու հակառակ կողմը պետության կորուստն է, որովհետեւ հոգնելու հակառակ կողմը թուրքական ներխուժումն է։ Բոլորս իրար խոստանում ենք՝ մեկ մարդու պես յուրաքանչյուրս՝ որպես վճռական մենակ, կանգնելու ենք այնքան ժամանակ, մինչեւ այդ ստախոսին, այդ կապիտուլյանտին չքշենք կառավարության շենքից։ Հաջողությունը սկսվել է Սյունիքից վտարումով։ Մյուս մարզերին կոչ եմ անում՝ ոտքի»,– ասաց նա։
Հետևեք մեզ Facebook-ում