Լավ կլիներ՝ Փաշինյանը տարբերեր վարչատարածքային սահմանները պետականից․ Էլինար Վարդանյան. Տեսանյութ
Երկուսուկես տարի իշխանությունները հետեւողականորեն երկիրը տարան պատերազմի, հետեւողականորեն դադարեցրցին բանակցությունները, հետեւաբար այսօրվա պատասխանատուներն էլ մեղավոր են այն ամենում ինչ կատարվել է։ Այս մասին այսօր՝ դեկտեմբերի 22-ին լրագրողների հետ զրույցում ասաց Այլընտրանքային նախագծեր խմբի անդամ Էլինար Վարդանյանը:
«Ամենից հեշտ տարբերակը բոլոր մեղքերը նախկինների վրա բարդելն է, բայց երկուսուկես տարի իշխանությունը անմիջական պատասխանատվություն էր կրում երկրի համար, եւ խայտառակ կապիտուլյացիան հենց իշխանության պատասխանատվության ներքո է, հետեւաբար որքան էլ փորձեն արդարցնեն իրենց գործողությունները նախկինների սխալներով, որեւէ մեկը չի հերքում, որ նախկինում սխալներ եղել են, բայց երկուսուկես տարի իշխանությունները հետեւողականորեն երկիրը տարան պատերազմի, հետեւողականորեն դադարեցրեցին բանակցությունները, հետեւաբար այսօրվա պատասխանատուներն էլ մեղավոր են այն ամենում ինչ կատարվել է»,- ասաց Վարդանյանը։
Հարցին, թե Սյունիքից որոշ հատվածներ են անցնում թշնամու վերահսկողության տալ, իսկ վարչապետ Նիկոլ Փաշինյանն ասում է, որ օրենքը ստորագրվել է նախկինում, ինչպե՞ս կգնահատի սա, Էլինար Վարդանյանն ասաց․«Լավ կլիներ, որ Փաշինյանը տարբերեր վարչատարածքային սահմանները պետական սահմաններից։ Այո, այնտեղ կան ձեւակերպումներ, որոնք պայմանավորված էին Արցախի անկախությունը դեռեւս չճանաչված լինելու հանգամանքով, բայց հղում անել վարչատարածքային տարածքներին, որպես պետական սահմանների, հերթական մանիպուլյացիան է»։
Հետևեք մեզ Facebook-ում