Հարգելի սյունեցիներ, եթե թշնամին ձեզ գերեվարի, հեռախոս կխնդրեք և կզանգահարեք Հայաստանի ԱԱԾ. ԱԱԾ թեժ գծի զավեշտալի պատախանը. Տեսանյութ

Հարգելի սյունեցիներ, եթե թշնամին ձեզ գերեվարի, հեռախոս կխնդրեք և կզանգահարեք Հայաստանի ԱԱԾ՝ հետևյալ հեռախոսահամարով՝ 015 361893

Հայաստանի Ազգային անվտանգության ծառայությունը աբսուրդային հայտարարություն է տարածել՝ հայտարարելով, որ Գորիս-Կապան միջպետական ավտոճանապարհի Որոտան-Դավիթ Բեկ հատվածում հայ և ադրբեջանցի սահմանապահների կողմից, ռուս գործընկերների հետ համագործակցությամբ, իրականացվում են սահմանապահ վերակարգերի տեղակայման աշխատանքներ:

«Համապատասխան աշխատանքների ընթացքում անցանկալի միջադեպերից խուսափելու նպատակով քաղաքացիներին հորդորում ենք ցուցաբերել անհրաժեշտ զգոնություն, իսկ հնարավոր խնդիրների ու հարցերի դեպքում կապ հաստատել ՀՀ ազգային անվտանգության ծառայության սահմանապահ զորքերի թեժ գծի՝ 015 361893 հեռախոսահամարով»,-նշված է ԱԱԾ հաղորդագրությունում:

***

«Դե էդ հարցին ես չեմ կարող պատասխանել, եթե գերի եք ընկել ձեր մոտ հեռախոս չկա, բան չկա, ես ի՞նչ իմանամ». ԱԱԾ թեժ գծի զավեշտալի պատախանը:

Աղբյուր՝ Mediaport