Ո՞ւր ենք հասել. Ալիեւը խնդրում է Պուտինին՝ օգնել Փաշինյանին մնալ իշխանության

Տեսե՞լ եք, թե ինչպես է Ալիեւն աջակցել Փաշինյանին ԱՊՀ գագաթնաժողովի ժամանակ: Այն, ինչ տեղի ունեցավ այսօր ԱՊՀ պետությունների ղեկավարի գագաթնաժողովի ժամանակ, զարմացրեց ոչ միայն հայ հասարակությանը, Ռուսաստանի լրագրողական և փորձագիտական հանրությանը, այլև ԱՊՀ երկրների ղեկավարներին: Փաստացի, մի կողմից, մանրամասն ներկայացնելով Փաշինյանի սխալները, որոնք հանգեցրին պատերազմի, Ադրբեջանի նախագահ Իլհամ Ալիևը սկսեց արդարացնել Նիկոլին:

Հայաստանի պարտությունն արդարացնելու համար Ալիևը հայտարարեց, որ պատերազմում իրականում պարտվեց ոչ թե Նիկոլը, այլ այն բանակը, որը կառուցվեց Հայաստանի երկրորդ և երրորդ նախագահների կողմից: Ավելին, Իլհամ Ալիևը գործնականում խնդրեց Պուտինին օգտագործել իր ազդեցությունը Հայաստանի ներքաղաքական գործընթացների վրա և կանխել երկրում իշխանափոխությունը: Ալիեւը Պուտինին խնդրեց «փրկել Փաշինյանին» երկրորդ ու երրորդ նախագահներից, ովքեր ցանկանում են հեռացնել Նիկոլին:

Ալիևի սույն թեզն այնքան բացահայտ էր, որ նույնիսկ ռուս հայտնի ռազմական լրագրող Ալեքսանդր Կոցը նշեց, որ Ալիևի այս խոսքերից հետո Հայաստանում անխուսափելիորեն Նիկոլին կդիտարկեն որպես «Ալիևի գործակալ»: Մնում է, որ այս ամենից հետո Ադրբեջանի նախագահը բացահայտ պատմեր 5 մլրդ դոլարի մասին: Սակայն, հավանաբար, այդ վերջին գործոնը նա մտադիր է օգտագործել Փաշինյանի դեմ գործընթացում` արդեն բուն հայաստանյան տարածքների խնդիրը լուծելու համար:

Հետաքրքիր է, այդ ամենից հետո Հայաստանում քանի՞ «մտավոր ոչխար» կմնա, որոնք հավատարմություն կցուցաբերեն Նիկոլ Փաշինյանի նկատմամբ: Ավելին, խիստ կասկածելի է, որ անգամ իրենց վարչապետ համարող 3 մլն մարդկանցից որևիցե մեկը կհավատա, որ Նիկոլը Իլհամի գործակալը չէ:

Ալիևը բացեց բոլոր խաղաքարտերը: Մնում է, որ մենք հետևություններ անենք: