Ըստ Լոռու նոր մարզպետի՝ հայ ժողովրդը ոչխարների հո՞տ է

Այն ժամանակ, եբր երկրում խառնաշփոթ է տիրում, Նիկոլ Փաշինյանի գլխավորած կառավարությունը, ելնելով Նիկոլի անձնական նպատակներից, զբաղված է կադրային փոփոխություններով, որոնք սպասարկում են անձամբ Փաշինյանի շահերը: Նման փոփոխություններերից մեկը Լոռու մարզպետի պաշտոնում անհայտ (նույնիսկ իր խմբակցության պատգամավորի համար) անձի նշանակումն էր: Խոսքն Արամ Խաչատրյանի մասին է:

Պաշտոնում նշանակման առաջին իսկ րոպեներից Խաչատրյանը սկսեց «արդարացնել» իր նշանակումը և հայտարարեց, որ «Երեւանում Նիկոլի հրաժարականը պահանջում է առավելագույնը 500 մարդ, իսկ իր մարզում ընդամենը 15-20 մարդ»: Նա նաեւ հայտարարել է, որ իբր ժողովրդի մեծամասնությունը սատարում է Փաշինյանին, քանի որ «հասկանում է, թե իրականում ինչ է տեղի ունեցել»:

Չի կարելի ասել, որ նա անմեղսունակ է, քանի որ եթե նույնիսկ անձն անմեղսունակ է, ապա իմանալով թվերը, բազմապատկման աղյուսակին ծանոթ լինելու դեպքում և հաշվելու ունակության արկայության պարագայում, մարդը կարող է նույնիսկ առանց տանից դուրս գալու՝ դիտելով տեսանյութեր կամ լուսանկարներ հանրահավաքներից, հասկանալ, որ Նիկոլի հրաժարականը պահանջողների թիվը հազարավոր անգամներով ավելին է նրանից, ինչի մասին հայտարարում է Խաչատրյանը:

Այստեղից եզրակացնում ենք, որ Խաչատրյանը հայ ժողովրդի մեծամասնությունը խոտակեր ոչխար է համարում: Քանի որ ոչխարները հաստատ ի վիճակի չեն մաթեմատիկական նվազագույն գործողություններ իրականացնել: Ինչ վերաբերում է այն հայտարարությանը, թե «հայ ժողովուրդը մեծամասնությունը սատարում է Փաշինյանին», դա, իր հերթին, նշանակում է, որ Խաչատրյանը հայ ժողովրդին համարում է ոչ միայն ոչխար, այլև մազոխիստ:

Փաստորեն, մարզպետը հայտարարում է, որ հայ ժողովուրդը երազում էր պատերազմի մասին, երազում էր, որ պատերազմում զոհվի մոտ 5000 մարդ, մենք կորցնեինք Արցախի 9 շրջաններ, կորցնեինք Շուշին, կորցնեինք Արցախի պետականությունը և թույլ տայինք, որ թշնամին գար ու կանգներ Կապանի մոտ, Գորիսի մոտ, կանգներ Սոթքում:

Փաստորեն, ըստ Արամ Խաչատրյանի, հայ ժողովուրդը գոհ է այս արդյունքներից, քանի որ նրանք «սատարում են Նիկոլային»: Եվ եթե գոհ է, ապա հայ ժողովուրդը մազոխիստ է:

Երրորդ կարծիք լինել չի կարող. Կա՛մ մենք իրոք ազգովի ոչխարներ ենք, կա՛մ այդ մարդը, այնուամենայնիվ, սկիրա է և մարդկանց վերագրում բոլոր այն հատկությունները, որոնք մենք ներկայացրեցինք:

Վստահ ենք, որ գործ ունենք երկրորդ տարբերակի հետ, քանի որ անհնար է պատկերացնել, որ մի ամբողջ ժողովուրդ կերազեր տարածքներ հանձնել, վտանգել իր սահմաններիը և 5000 մարդ զոհեր ռազմի դաշտ:

Հատկանշական է նաև, որ նոր մարզպետը հայտարարեց, որ ինքը «10 տարի պայքարել է նախորդ իշխանության դեմ», և այժմ նա չի վախենում, որ մարզպետի պաշտոնավարումը կսահմանափակվի մի քանի օրով: Եվ իհարկե, նա անդրադարձավ «ժողովրդից թալանվածի» թեմային:

Փաստորեն, Արամ Խաչատրյանը խոսում է «ժողովրդից թալանվածի» մասին, բայց մոռանում է պատմել այն մասին, թե ինչ է գողացվել ներկայիս կառավարության օրոք՝ ծխախոտի մաքսանենգություն, ադամանդների վերավաճառք, բարեգործության անվան տակ «գործարարներից ռեկետ» և կոռուպցիայի այլ դրսեւորումների մասին: Փաստորեն, մարզպետի պաշտոնը մի քանի օր «վայելելու համար» Արամ Խաչատրյանը պատրաստ է աչքերը փակել այս ամենի վրա: Պատրաստ է ժողովրդին ոչխար ու մազոխիստ անվանել:

Երբ իշխանափոխություն լինի, Խաչատրյանի նման մարդիկ պետք է պատժվեն: Քանի դեռ նա վայելում էր իր աշխատանքը, որի մասին նա երազում էր 10 տարի շարունակ, որի համար «պայքարել է նախորդ վարչակարգի դեմ», Խծաբերդում ավելի քան 100 հայեր գերեվարվեցին:

Պետությունը պարտավոր է պատժել այդպիսի մարդկանց, որպեսզի հետագայում նրանք նույնիսկ չհամարձակվեն մտածել այն մասին, որ կարող են այսպիսի վնասներ հասցնել մեր պետությանը: Եթե դա չկատարվի, մեր պետականությունը շուտով կմահանա:

Սևակ Դանիելյան