Պուտինը դեկտեմբերի 18-ին կմասնակցի ԱՊՀ պետությունների ղեկավարների խորհրդի նիստին

Պուտինը դեկտեմբերի 18-ին կմասնակցի ԱՊՀ պետությունների ղեկավարների խորհրդի նիստին: Այս մասին ասվում է Կրեմլի կայքում:

Նիստը կկայանա Ուզբեկստանի Հանրապետության նախագահության ներքո տեսահամաժողովի ռեժիմով:

«Ծրագրվում է ԱՊՀ շրջանակում քաղաքական,առեւտրատնտեսական, սոցիալական եւ մշակութային ոլորտներում համագործակցության զարգացման հեռանկարների եւ ընթացիկ վիճակի քննարկում: Կքննարկվեն նաեւ կորոնավիրուսի վարակի տարածման դեմ պայքարում փոխգործակցության հարցերը, կարծիքներ կփոխանակվեն միջազգային եւ տարածաշրջանային արդիական խնդիրների շուրջ:

Նիստի արդյունքներով կհաստատվի ԱՊՀ հետագա զարգացման արդիականացված հայեցակարգը, կընդունվեն ՄԱԿ-ի ստեղծման 75-ամյակի կապակցությամբ, միջազգային տեղեկատվական անվտանգության ոլորտում համագործակցության մասին համատեղ հայտարարություններն ու մի շարք այլ փաստաթղթեր»,-ասվում է հաղորդագրության մեջ:   

Zham.am