Նիկոլ Փաշինյանը լավ կանի մտածի, թե ինչու էին ադրբեջանցիները շատ տխրել իր հրաժարականի լուրից. Արփինե Հովհաննիսյան. Տեսանյութ

Նիկոլ Փաշինյանը հերթական անգամ փորձում է խաբել հանրությանը, նրա նպատակը մեկն է, որ 44 օր Արծրունին հավատալուց հետո մարդիկ շարունակեն հավատալ նոր արծրուններին, որոնց ինքը կերտում է մեդիադաշտում: Այս մասին այսօր՝ դեկտեմբերի 12-ին, ընդդիմության կազմակերպած «անհնազանդության երթի» ժամանակ լրագրողների հետ զրույցում նշեց ԱԺ նախկին փոխնախագահ Արփինե Հովհաննիսյանը՝ անդրադառնալով ՀՀ վարչապետ Նիկոլ Փաշինյանի հայտարարությանը, ըստ որի հաճախ թշնամական եւ հայաստանյան որոշ ուժերի կողմից տարածվող քարոզչության դրույթները նույնական են:

«Մենք չպետք է հավատանք տեղեկություններին, որոնք տեսնում ու լսում ենք, այլ պետք է հավատանք իրեն: Նիկոլ Փաշինյանը լավ կանի մտածի այն մասին, թե ինչու էր երեկ, երբ Վլադիմիր Սոլովյովի կողմից տարածվեց մի պահ տարածվեց հայտարարություն իր հրաժարականի մասին, ադրբեջանական կայքերը Սոլովյովից ավելի շուտ հերքեին այդ լուրը: Ինչպե՞ս իրենք ավելի շուտ գիտեին, որ դա չի համապատասխանում իրականությանը, ինչու էին իրենք շատ տխրել այդ հրաժարականի լուրից: Սրանք հարցեր են, որոնց շուրջ պետք է մտածի Նիկոլ Փաշինյանը: Նա ստել է ժողովրդին: Ես օրինակ չեմ ուզում հարմարվել, որ ինձ ստել են: Այստեղ խնդիրն այն է, որ մենք օրհասական պահի առջեւ ենք: Եթե չենք ուզում սա հասկանալ, մեզ կստիպեն հասկանալ: Թուրքերը կստիպեն,  ադրբեջանցիները կստիպեն, որոնք ոգեւորվել են, ուզում են ավելին, իսկ մեր  այս իշխանությունը չգիտես ինչով է զբաղված:

Եթե Նիկոլ Փաշինյանի վրա չլինեին հազարավոր մահեր, հավատացեք, ես կխղճայի նրան: Բայց չեմ կարող խղճալ մեկին, որը հազարավոր մահերի, գերիների պատճառ է ու զբաղված է միայն խաբելով»,-ասաց Հովհաննիսյանը:

Դիտարկմանը, որ Փաշինյանն ասել է, որ օրերս տրվելու էգերիների վերադարձի մեկնարկը, նա պատասխանեց. «Դրա հետ ինքը ոչ մի կապ չունի, դրա հետ կապ ունեն մեր իրավաբանները, մարդիկ, որոնք զբաղվում են դրանով, եւ իհարկե, կապ ունի ՌԴ նախգահ Վլդիմիր Պուտինը, որը Կարմիր խաչին գումար փոխանցելուց մինչեւ Ալիեւի հետ բանակցելը ինքն է զբաղված այդ հարցով»,-ասաց նա:

Մանրամասները՝ NEWS.am-ի տեսանյութում: