Ալիևը խոստովանում է. Նիկոլ Փաշինյանի «Ղարաբաղը Հայաստան է և վերջ» խոսքերը վերջ դրեցին բանակցություններին և օգնեցին «ազատագրել» իրենց տարածքները
Ադրբեջանում անցկացված զորահավաքի ժամանակ Ալիևը իր ելույթում կրկին նշեց հետևյալ այն միտքը, թե, «եթե չլիներ Փաշինյանը, ապա Ադրբեջանը չէր հասնի իր հողերի ազատագրմանը»: Մասնավորապես, նա հիշեցրեց, որ Նիկոլ Փաշինյանի այն եզրույթը, թե «Ղարաբաղը Հայաստան է և վերջ» լեգիտիմ հիմք տվեց իրեն սկսել ռազմական գործողությունները, քանզի այդ թեզով Փաշինյանը, փաստացի թաղեց բանակցային գործընթացը: Իսկ 2020-ի հուլիսյան դեպքերը պարզապես արագացրին Ադրբեջանի այս որոշումը: Այսպիսով, Ալիևը միջազգային հանրության առջև հիմնավորեց, թե ինչու նա իրավունք ստացավ ռազմական գործողություններ սկսել Արցախի դեմ:
Ինչ վերաբերվում է Փաշինյանի քայլերին, ապա նրա կողմից անտրամաբանական քայլերը այնքան շատ եղան, որ գրեթե ոչ ոքի մոտ արդեն կասկած չկա, որ այդ «անտրամաբանական», առաջին հայացքից թվացող քայլերը իրականում շատ տրամաբանված գործընթացի մի շղթա էր, որի արդյունքում հայկական կողմը պիտի պարտություն կրեր, իսկ Ադրբեջանն ու Թուրքիան այս «հաղթանակից» հետո պիտի պատրաստվեն նոր նվաճողական ծրագրերի իրագործմանը, որի թիրախում այս անգամ բացի Հայաստանից պիտի լինեն նաև Ռուսաստանն ու Իրանը:
Սա է իրականությունը:
Արտակ Հակոբյան
Հետևեք մեզ Facebook-ում