Նիկոլ Փաշինյանի հրաժարականը պահանջողները ժողովրդի մի մասն են. Բաբկեն Թունյան
Նիկոլ Փաշինյանի հրաժարականը պահանջողները ժողովրդի մի մասն են: Այս մասին այսօր հրավիրված ճեպազրույցի ժամանակ ասաց «Իմ քայլը» խմբակցության պատգամավոր Բաբկեն Թունյանը՝ պատասխանելով լրագրողի այն հարցին, թե արդյոք Նիկոլ Փաշինյանի հետ համամի՞տ են, և իրենք ևս համարում են, որ վարչապետի հրաժարականը պահանջողները ժողովուրդ չեն, և ժողովուրդը դեռ նրա հրաժարականը չի պահանջել:
Պատգամավոր Համազասպ Դանիելյանն էլ արձագանքեց, թե տվյալ հարցը որևէ կերպ չի առնչվում ճեպազրույցի բովանդակությանը և ժամանակը կարող էին ծախսել՝ բազմաթիվ այլ կարևոր հարցեր քննարկելով:
«Իսկ ինչ վերաբերում է հարցին, թե ով է ժողովուրդը, դրա պատասխանը շատ պարզ կարող ենք տեսնել Սահմանադրությունում: Ժողովրդի տարբեր մասեր միաժանական կարող են տարբեր բաներ պահանջել, դրա ստուգելու միակ տարբերակը ընտրություններն են»,-ասաց նա:
Հարցին, թե արդյո՞ք համարում է, որ Նիկոլ Փաշինյանի հրաժարականի հանրային պահանջ կա և ի՞նչ արժեք ունի երկու Կաթողիկոսների, չորս նախագահների, քաղաքական գործիչների, ընդդիմադիր ուժերի պահանջը, Դանիելյանը պատասխանեց.
«Ինձ համար արժեք ունի յուրաքանչյուր ՀՀ քաղաքացու պահանջները, ակնկալիքները, զգացմունքները, որոնք վերաբերում են քաղաքականությանը, հատկապես այն քաղաքացիների պահանջները, որոնք ներկայացնում են ինքնուրույն, այլ ոչ թե տարբեր հանգամանքներով պայմանավորված»:
Աղբյուր՝ Tert.am
Հետևեք մեզ Facebook-ում