«Ադրբեջանն առանց ժամանակ կորցնելու, փուլ առ փուլ մոտենում է իր վաղեմի երազանքին». Համլետ Հովսեփյան

Եվ քանի դեռ ազգովի զբաղված ենք «Արցախցի/Հայաստանցի» տարանջատումով, Ադրբեջանը առանց ժամանակ կորցնելու, փուլ առ փուլ մոտենում է իր վաղեմի երազանքին, օրեցօր մեզ մատուցելով նորանոր տհաճ անակնկալներ։

Երևի թե վերջապես հանգիստ կթողնենք Արցախահայությանը, քանի որ նույն տեմպերով շարունակելու դեպքում ստիպված ենք լինելու շրջանառության մեջ դնել արդեն`

«Հայաստանցի/Սյունեցի», 

«Հայաստանցի/Վայոց Ձորցի», 

կամ "Հայաստանցի/Կոտայքցի տարանջատումները։ 

Ու վստահ եմ շատերի մոտ նույն վրդովմունքը կառաջանա, թե «ինչու՞ մեր տղերքը պետք է գնան զոհվեն Վայոց Ձորցու, կամ Սյունեցու հողերի համար։ Լավ կլինի հողերը տանք, հանգիստ ապրենք մեզ համար»։ 

Հիմա, առավել քան երբևէ եկել է ժամանակը, որպեսզի վերջ տանք նման խոսակցություններին, որոնք պառակտում են մեզ և Հայ ազգին տանում ուղիղ կործանման։

Մեզանից քանի՞սս ենք եղել Արցախի բնակավայրերում և անձամբ ծանոթացել, թե ինչ պայմաններում է ապրում Արցախաբնակ հայը։

Անձամբ քանի՞ Արցախից ընտանիքի ենք ճանաչում, ովքեր ստացել են այդքան շեշտվող «Արցախին ուղարկված օգնությունը»։ 

Ինչու՞ ենք կարծում, որ երկիրը թալանողը Հայաստանի մյուս մարզերից առավել պետք է մտածեր արցախահայության մասին և բարեգգործական նպատակներով Հայաստան մտած օգնությունը ուղարկեր Արցախ։

Խաղաղ պայմաններում, բարեկեցիկ կյանքով ապրելու համար այսօր շատերս ենք լքել մեր հայրենիքը և գտնվում ենք Հայաստանից հազարավոր կիլոմետրեր հեռու։

Խաղաղ ժամանակ Արցախից գաղթաց քանի՞ Արցախահայերի գիտենք մեր շրջապատում։ Գրեթե ոչ մեկին, որովհետև Արցախաբնակ հայը ամուր է կանգնած մեր հողի վրա։ 

Եւ նույնիսկ այսօր, երբ գտնվում ենք ետպատերազմական ծանր փուլում, Արցախի բնակիչը գիտակցելով անգամ, որ ամեն վայրկյան լինելու է թշնամու դիպուկահարի նշանակետում, իր երեխայի հետ վերադառնում է Արցախ, որովհետև շատ լավ հասկանում է, որ առանց Արցախահայության, Արցախի գոյությունը ընդհամենը ժամերի խնդիր է թշնամու համար։ 

Ինչպես ժամանակին դավաճանների պատճառով հայաթափվեց Նախիջևանն ու հանձնվեց թշնամուն, ցավոք այսօր նույն ճակատագիրն էլ Արցախին ու ողջ Հայաստանին է սպառնում, եթե շարունակենք նույն եռանդով աշխատել ի շահ թշնամու..

Բարի գիշեր։

Համլետ Հովսեփյանի ֆեյսբուքյան էջից