Մարիա Կարապետյանը մեզ հետ կռիվ էր անում, թե ինչու՞ ենք, բարձրաձայնել Ադրբեջանի՝ զորահանդեսում հայ ռազմագերիների ցուցադրելու մտայնության մասին. Անի Սամսոնյան

Փակ հանդիպման ժամանակ Մարիա Կարապետյանը մեզ հետ կռիվ էր անում, մասնավորապես պրն Մարուքյանի հետ, թե ինչու՞ ենք բարձրաձայնել Ադրբեջանի՝ զորահանդեսում հայ ռազմագերիների ցուցադրելու մտայնության մասին: Տիկին Կարապետյանը բերում էր մի փաստարկ, որ ինքը չի կարծում՝ Ադրբեջանը նման բան կանի, որովհետև Ադրբեջանը չի խախտում միջազգային կոնվենցիաները: Այս մասին ԱԺ-ում ճեպազրույցի ժամանակ ասաց ԼՀԿ պատգամավոր ԱՆի Սամսոնյանը՝ ընդգծելով, որ Մարիա Կարապետյանը պաշտպանում էր Ադրբեջանի շահերը:

Անդրադառնալով նաև ԱԺ պատգամավոր Անդրանիկ Քոչարյանի այն հայտարարությանը, որ Ադրբեջանի հետ պետք է հաստատել դիվանագիտական հարաբերություններ՝ Անի Սամսոնյանը պատասխանեց.

«Անդրանիկ Քոչարյանին ուզում եմ ասել՝ ցուցաբերեք այնքան ողջախոհություն և պատասխանատվություն, որ նախ՝ կարողանաք ղեկավարության բարձր մակարդակով ճշտել, թե ո՞րն է այսօր Հայաստանի և Ադրբեջանի սահմանային բնագիծը, հետո նոր խոսել դիվանագիտական հարաբերություններից»:

Աղբյուր` Փաստինֆո