Պարտության համար վերացվել է Արցախի ՀՕՊ համակարգերը. Փաշինյան-Ալիև գործարքի գումարի մեծ մասը փոխանցվել է Կանադա, որտեղ գտնվում են երեք զավակները. Իսագուլյան

«Հիշո՞ւմ եք Սամվել Բաբայանը հայտարարեց, թե Սերժ Սարգսյանը ցանկացել է 5 միլիարդով հանձնել Արցախը։ Ես հայտնեցի, որ Սամվել Բաբայանն ասում է այն թիվը, որով իրենք Նիկոլի հետ պատրաստ էին ծախել Արցախը»,- այս մասին լրագրողների հետ հանդիպման ժամանակ ասաց «Ազգային անվտանգություն» կուսակցության նախագահ Գառնիկ Իսագուլյանը՝ անդրադառնալով աղմկահարույց ձայնագրությանը, որով Ալեքսանդր Լուկաշենկոն Սերժ Սարգսյանին 5 մլրդ դոլար է առաջարկում Իլհամ Ալիևի անունից՝ Արցախյան հողերի համար։

Նիկոլ Փաշինյանն առաջիններից մեկն էր, որ շնորհավորեց Ալեքսանդր Լուկաշենկոյին։ Իսագուլյանը պատահական չի համարում շնորհավորանքը, ասում է՝ պատճառ կար։

«Եղել է նույն առաջարկը Նիկոլ Փաշինյանին և նրան այդ առաջարկն արել է Լուկաշենկոն։ Բայց մի մոռացեք, որ Նիկոլը մեծագույն «քցող» է, մեծագույն սրիկա, որը երբեք չի ցանկանա իրեն հասանելիք փողը կիսել որևէ մեկի հետ։ Նա, իմանալով, որ առաջարկը ուժի մեջ է, որոշում է շրջանցել Լուկաշենկոյին և անձամբ այդ թեմայով զրուցել Ալիևի հետ։ Արսեն Խառատյանը ևս բանակցությունների մասնակից էր։ Անհրաժեշտ էր, որ գումարը յուրացնի ինքը՝ անձամբ, կնոջ՝  Աննա Հակոբյանի հետ։ Անհրաժեշտ էր, որ Ալիևից և իրենից բացի ոչ ոք չիմանա։ Իհարկե, թուլափայ էր նախապատրաստել Սամվել Բաբայանի, Դավիթ Տոնոյանի, ինչպես  նաև որոշ գեներալների համար, որոնց հետո հերոսի կոչում տվեց՝ հայրենիքը ծախելու համար։ Աննա Հակոբյանի հրամանով օպերացիա էին կազմակերպել, որի պատճառով զոհվել է 1300 զինվոր, թուրքին է մնացել 18 տանկ, դա արել է գեներալ Անդրանիկ Փիլոյանը»,- ասաց Գառնիկ Իսագուլյանը։

«Ազգային անվտանգություն» կուսակցության նախագահի խոսքով՝ գործարք է տեղի ունեցել և վստահ է՝ գումարների մեծ մասը փոխանցվել է Կանադա, որտեղ գտնվում են Փաշինյանի դուստրերն ու որդին։

Գառնիկ Իսագուլյանն ասում է՝ այդ գործարքի համար պետք է գրվեր պատերազմի պարտության սցենար, որի պատճառով պատերազմի առաջին օրերին վերացվել է Արցախի ՀՕՊ համակարգերը.

«Ադրբեջանը ոչ մի կեղծ թիրախի չի հարվածել։ Դրանց վայրերը հստակ տրվել են ադրբեջանցիներին։ Գրվեց պատերազմի և պարտության սցենարը, թե ամեն ինչ բնական ճանապարհով է եղել, որ Նիկոլը կարողանար գումարը յուրացնել ու նրան աջակիցներ են պետք եղել»,- եզրափակեց Իսագուլյանը։

Աղբյուր` Փաստինֆո