48 միլիոն դոլարի չափով գումար Նիկոլ Փաշինյանի թիմը ստացել է հենց Ադրբեջանից ու Թուրքիայից. Իսագուլյան

«Երբ Նիկոլ Փաշինյանը Գյումրիից Երևան էր քայլում, տեղի էին ունենում լուրջ նախապատրաստական աշխատանքներ։ Հայտնի շիշ բռնողը՝ Հայկ Սարգսյանը եղբոր հետ տանն էր, երբ հայտնվեցին կարմիր համարներով մեքենաներ, որոնք ԱՄՆ դեսպանատնից, բերվում էին արկղեր։ Հետո իմացանք, որ բաժանվում են 10 հազար հատ սմարթֆոններ, որոնց մեջ երեք լեզվով ծրագիր կար ներբեռնված հազարապետների, հարյուրապետների անուն-ազգանուններով»,-այս մասին լրագրողների հետ հանդիպմանն ասաց «Ազգային անվտանգություն» կուսակցության նախագահ Գառնիկ Իսագուլյանը՝ ներկայացնելով մի շարք բացահայտումներ։ 

Իսագուլյանը պատմեց, որ դեպքի մասին հայտնել է Սերժ Սարգսյանին ու խնդրել տեղեկությունը տրամադրել Գերոգի Կուտոյանին, սակայն միջոցներ չձեռնարկվեցին։

«Լիլիթ Մակունց, Արմեն Գրիգորյան, Աննա Հակոբյան, Նիկոլ Փաշինյան, Ասյա Խաչատրյան,  շատերի մասին խոսել եմ, որոնք հաճախ այցելում էին Թբիլիսի, կազմակերպում հանդիպումներ ամերիկյան դեսպանատան միջոցով՝ հատկապես ադրբեջանցիների ու թուրքերի հետ»։

Իսագուլյանը նշեց, որ դեպքը տեղի է ունեցել հեղափոխությունից առաջ ու երբ հայտարարում էր այս մասին, շատերը տարակուսանքով էին մոտենում, սակայն ինքը զեկուցել է ԱԱԾ ղեկավարին։ 

«Հաճախ էի լինում ԱԱԾ-ում, Ստեփան Սուրենիչի կաբինետում։ Ես հայտարարեցի, որ մեծ չափի՝ միլիոնների հասնող գումար են ներկրում Հայաստան ու նախապատրաստում հեղափոխություն, բոլորը տարակուսանքով էին մոտենում իմ հայտարարություններին»։

Գառնիկ Իսագուլյանը վստահեցնում է, որ 48 միլիոն դոլարի չափով գումար Նիկոլ Փաշինյանի թիմը ստացել է հենց Ադրբեջանից ու Թուրքիայից։

«Մակունցը դասավանդում էր Սլավոնական համալսարանում, որտեղ սովորում էր նաև Անդրանիկ Հովհաննիսյանը։ Նրան փորձել են ներգրավել՝ ասելով, որ լավ ուսանող է։ Նա էլ, իմանալով թե խոսքը ինչի մասին է և ի՞նչ գործ պետք է անի՝ հրաժարվել է մասնակցել այդ ստոր գործարքին»։

Հեղափոխությունից առաջ էլ Հայաստանում տեղի էին ունենում վտանգավոր երևույթներ, նրանցից մեկն էլ վերաբերում է սկանդալային Ասյա Խաչատրյանին։

«Արցախ գործուղվեց Ասյա Խաչատրյանը՝ ընկերուհու հետ, որոնց հիմնական գործունեությունը եղել է «Պոռնո Ֆիլմը»՝ սպասարկում էին զինվորական սպաների։ Երբ բացահայտվեց՝ ի՞նչ է տեղի ունեցել իրականում, որոշեցին արտաքսել Ասյա խաչատրյանին և ընկերուհուն Արցախից։ Վերջիններս էլ արցախցիներին մեղադրեցին բռնապետության մեջ։ «Պոռնո սենյակի» խուզարկության ժամանակ հայտնաբերվել է բլոկնոտ, որը հետագայում գործի չկցվեց։ Բլոկնոտը փոխանցվել էր Բակո Սահակյանին, որում գրված էին խայտառակություններ։ Օրինակ՝ «ինձ մոտ այսօր եղան 8 սպա, իմ հետ կենակցել են, ես բարարված չեմ եղել, բայց անհրաժեշտ տեղեկությունները ստացել եմ» Չէին հավատում, որ նման երևույթներ կարող են տեղի ունենալ, դրա համար գործին չի կցվել»։

Իսագուլյանը հիշեցրեց,դեռ երկու տարի առաջ հայտարարում էր, թե աղջիկը Ադրբեջանի գործակալ է, հրաշալի տիրապետել է ադրբեջաներենին, Բաքվի հատուկ ջոկատային սիրեկան է ունեցել։

Աղբյուր` Փաստինֆո