Եթե Փաշինյանը նոր Մարտի 1 կազմակերպի և արյուն թափվի, ապա նրա հետ պատասխան կտա նաև Տեր-Պետրոսյանը

Նիկոլ Փաշինյանն այլևս լեգիտիմ երկրի ղեկավար չէ, սա հասկանալի է արդեն հանրության ճնշող մեծամասնության համար: Ակնհայտ է, որ նա այլևս չի կարող կառավարել Հայաստանըը: Արցախը կորցրած մարդու տեղը քաղաքական գերեզմանոցն է: Մանավանդ որ նրադեպ կա լուրջ կասկածներ տարբեր հարցերի շուրջ: Ակնհայտ է նաև այն, որ նա կառչած է մնալու իր պաշտոնին մինչև վերջ, քանզի այդպիսին է նրա կերպարը: Հենց դրա պատճառով նա 2008-ին զոհաբերերեց 10 հոգու, իսկ 2020-ին, պատերազմի ժամանակ մենք ունեցանք մոտ 5000 զոհ և մոտ 10000 վիրավոր:

Փաշինյանը սպառնալիք է երկրի համար բոլոր տեսանկյուններից, և ճիշտ հակառակը, աստծու պարգև Թուրքիայի և Ադրբեջանի համար:

Պարզ է նաև այն, որ նա կկարողանա նոր Մարտի 1 կազմակերպել, եթե իր իշխանական բուրգը չկազմաքանդվի: Դավաճանին պաշտպանելը դժվարին խնդիր է հատկապես ուժային կառույցների համար: Այդ ամենի համար անհրաժեշտ է գոնե նվազագույն լեգիտիմ հիմք: Այսօր այդպիսի հիմք Փաշինյանը չունի: Հենց դրա պատճառով էլ նրան օգնության հասավ Լևոն Տեր-Պետրոսյանը: Ժողովուրդին և Փաշինյանին դնելով հավասար նժարի վրա, Տեր-Պետրոսյանը փաստացի աջակցություն ցուցաբերեց Փաշինյանին, դրանով իսկ փորձելով կանգնեցնել Փաշինյանի իշխանական բուրգի փլուզումը:

Այդ իսկ պատճառով, եթե Փաշինյանը սադրի նոր Մարտի 1, ապա դրա պատասխանատվությունը ընկնելու է նաև Տեր-Պետրոսյանի վրա: Ով  Փաշինյանին մեղադրելով իրականում փորձում է տարանջատվել նրանից, բայց միաժամանակ ամեն ինչ անում է, որ Փաշինյանն պահպանի իր իշխանությունը` շատ լավ հասկանալով, թե ինչի կարող է հանգեցնել այս ամենը երկրի համար:

Սա է իրականությունը:

Դավիթ Մկրտչյան