Ցանկացած ապօրինության պատասխանատվություն կրելու է բացառապես իշխանությունը. Հայրենիքի փրկության շարժման իրավական հանձնախումբ

ՀԱՅՏԱՐԱՐՈՒԹՅՈՒՆ 

Հարգարժան ՀՀ ոստիկաններ, 

«Հայրենիքի փրկության շարժում»-ը ՀՀ վարչապետի պաշտոնը զբաղեցնող անձին տվել էր ժամանակ` մինչև այսօր 12:00 իր հրաժարականը ներկայացնելու համար:

Վարչապետի պաշտոնը զբաղեցնող անձի կողմից հրաժարական չներկայացնելով պայմանավորված հնարավոր են ինչպես ինքնաբուխ, այնպես էլ տարբեր քաղաքացիական նախաձեռնությունների կողմից շտապ հավաքների անցկացում և իրականացում, ինչով պայմանավորված ակնկալում ենք, որ ՀՀ ոստիկանությունը, հավատարիմ մնալով ՀՀ Սահմանադրությամբ և օրենքներով սահմանված օրինականության սկզբունքին, չի խոչընդոտի այդ միջոցառումների իրականացմանը և առաջնորդվելով «Հավաքների ազատության մասին» ՀՀ օրենքի 32-րդ հոդվածի 2-րդ մասի երկրորդ նախադասությամբ`իր իրավասությունների սահմաններում կաջակցի հավաքին:

Հարկ ենք համարում հիշեցնել նաև, որ  «Հայրենիքի փրկության շարժման» իրավական հանձնախմբի՝ հավաքների մասնակիցների իրավական աջակցման և օգնության տրամադրման թեժ գծի հեռախոսահամարը` 04320059, շարունակում է գործել 24 ժամ:

Ոստիկանության ուշադրությունն ենք հրավիրում մամուլում շրջանառվող այն տեղեկությունների վրա, որ իշխող քաղաքական ուժի որոշ ներկայացուցիչներ պատրաստվում են կազմակերպել սադրանքներ և կանխամտածված քաղաքացիական բախումներ, ինչի առնչությամբ հայտնում ենք, որ ցանկացած ապօրինության պատասխանատվություն կրելու է բացառապես իշխանությունը:
Իրավական պետությունը այլընտրանք չունի!

Հայրենիքի փրկության շարժման իրավական հանձնա