Էրդողանը հաղթեց. նրա լիազորությունների ընդլայնման սահմանադրական փոփոխությունների հանրաքվեն ընդունվեց (լուսանկարներ, տեսանյութ)

Ընդդիմությունն արդեն հայտարարել է զանգվածային կեղծարարությունների մասին և պահանջել վերահաշվարկել քվեաթերթիկների կեսից ավելին: Մինչ այդ Ռեջեփ Թայիփ Էրդողանի կողմնակիցները տոնում են  հաղթանակը, հաղորդում է «Россия 24» հեռուստաալիքը: Անկարայում, օրինակ, հրավառություն են կազմակերպել: Ստամբուլում Էրդողանը ելույթ է ունեցել լրագրողների առաջ:

«Թուրք ժողովուրդը պատմական որոշում է ընդունել: Դա Թուրքիայի ողջ պատմության մեջ ամենակարևոր բարեփոխումն է: «Ոչ» ասողների ջայները նույնքան կարևոր են, որքան փոփոխությունների կողմնակիցների: Բայց սահմանադրության բոլոր փոփոխությունները կընդունվեն հիմա, որոշները կսկսեն գործել 2019 թվականին: Մեր ժողովրդի որոշումը պետք է հարգեն բոլորը: Հատկապես Թուրքիայի դաշնակիցները», - հայտարարեց Թուրքիայի նախագահը:

Հիշեցնենք՝ երեկ՝ ապրիլի 16-ին, Հանրապետական Թուրքիայի պատմության մեջ 7-րդ հանրաքվեում քվեարկության է դրվել սահմանադրական փոփոխությունների փաթեթը, որի հիմնական կետերը վերաբերում են խորհրդարանական կառավարման համակարգից նախագահական համակարգին անցնելուն:

Zham.am