Հրապարակված միակ պաշտոնական քարտեզը ՌԴ ՊՆ քարտեզն է. Վարուժան Գեղամյանը Արցախի նոր սահմանների մասին

Նկատե՞լ եք, որ նոյմեբերի 10-ի խայտառակ համաձայնությունից հետո ոչ ՀՀ և ոչ էլ Արցախից մնացած հատվածի իշխանությունները չեն հրապարակում որևէ պաշտոնական քարտեզ, որտեղ կերևան մեր տարածքային կորուստները: Հրապարակված միակ պաշտոնական քարտեզը ՌԴ ՊՆ քարտեզն է:

 

Այս նույն հանցավոր մոտեցումն էր որդեգրված ներկա իշխանության կողմից նաև պատերազմի առաջին 15 օրը, երբ ռազմական գործողությունների որևէ քարտեզ չէր ներկայացվում` մոլորության մեջ գցելով հասարակությանը:

 

Դժվար չէ կռահել, որ այսօր էլ դա չի արվում, որովհետև Հայաստանի ապաշնորհ կառավարությունը շարունակում է պնդել, որ ոչ մի վատ բան էլ չի պատահել:

 

Մինչդեռ անհավանական է պատկերացնել, որ սեփական հայրենիքի ու պետության 1/4-ը կորցրած ժողովուրդը դեռ հավատում է, որ «Շուշին մերն ա» կամ էլ «Բերձորում թուրքեր չկան» տիպի ակնհայտ ապատեղեկատվությանը: