Մի քանի կարևոր ուղերձ՝ Վազգեն Մանուկյանի ելույթից
Դիտել նաև
«Ինչի՞ մասին էր հարցազրույցը, մինչ այժմ անհայտ է»․ Գեղամ Մանուկյան
Ընդդիմադիր պատգամավորները ներկայացրել են արցախցիներին բնակապահովման պետծրագրում փոփոխության փաթեթ
«Հեսա գոտին չգցելու համար մի 2 ամսով կկալանավորեն»․ Վազգեն Սաղաթելյան
«Փաշինյանը պարտավոր է ներողություն խնդրել Վեհափառից և եկեղեցուց»․ Վազգեն Մանուկյան
Վազգեն Սաղաթելյանն ու Նարեկ Սամսոնյանն ազատ արձակվեցին
Հայրենիքի փրկության շարժման ֆեյսբուքյան էջում ներկայացվել է մի քանի կարևոր ուղերձ Վազգեն Մանուկյանի ելույթից։
- Հայաստանում աշխատում են արտաքին ազդեցություն ունեցող ուժեր, որոնք դիտավորյալ պառակտում են մեր ժողովրդին: Իրենք մեր ժողովրդի միջոցով 2,5 տարի լուծում էին իրենց գեոպոլիտիկ հարցերը՝ մեզ օգտագործելով որպես խաղալիք: Պետք է մաքրել այդ դաշտը։
- Մեր առջեւ ինչքան մեծ խնդիրներ դնենք, այնքան ավելի միասնական կլինենք։ Ամեն մի պարտությունից հետո սկսվում է մեր հաջորդ հաղթանակը: Մենք կարճ ժամանակում պետք է նորից ոտքի կանգնենք, նորից ինքնավստահություն ձեռք բերենք, գնանք առաջ: Պետք է նորից մտնենք հաղթանակած ժողովուրդների շարքը: Խոչընդոտներ շատ կան, բայց հիմա գլխավոր խոչընդոտներից մեկը Նիկոլ Փաշինյանն է։
- Մենք երբեք չենք հաշտվի այդ փաստաթղթի հետ, բայց այդ փաստաթուղթը աշխատում է դե ֆակտո․․․այն կազմված է բավականին փնթի, շատ բացթողումներով․․․նոր կառավարությունը պետք է կարողանա բանակցությունների միջոցով ամեն մի անորոշությունը դարձնել հօգուտ Հայաստանի։
- Մեզ պետք է նորից վերականգնել մեր բանակը, մեր մարտունակությունը, դարձնել ժամանակակից բանակ: Անվտանգության հարցի մեջ մտնում են նաեւ մեր հատուկ հարաբերությունները Ռուսաստանի հետ: Մենք ունենք էլի դաշնակիցներ, պետք է վերականգնենք մեր դաշնակցային հարաբերություններն ու վստահությունը:
- Աշխարհում ոչ մի ժողովուրդ չի կարողանում հասկանալ հայերին, որ այն առաջնորդը, որ հետեւողականորեն տարավ պարտության, մինչեւ հիմա իշխանության ղեկի մոտ է: Այդպիսի բան աշխարհում չի լինում:
- Այս շարժումը այն ճանապարհն է, որը քաղաքակիրթ ձեւով հնարավորություն է տալիս փոխել իրավիճակը Հայաստանում: Ձախողվեց՝ ավելի վատ է լինելու, բայց Նիկոլ Փաշինյանը բոլոր դեպքերում գնալու է։