Հայրենիքի փրկության շարժման հանրահավաքից հետո տեղի ունեցավ երթ դեպի կառավարական առանձնատուն․ Տեսանյութ, լուսանկար

Ազատության հրապարակում Հայրենիքի փրկության շարժման հրավիրած համազգային մեծ հանրահավաքին վարչապետի միասնական թեկնածու Վազգեն Մանուկյանը ներկայացրեց նոր կառավարության առաջնահերթ գործողությունները և հակաճգնաժամային քայլերը:

Հանրահավաքից հետո տեղի ունեցավ երթ՝ դեպի կառավարական առանձնատուն։

Մենք այստեղ ենք, որ շատ մոտիկից Նիկոլ Փաշինյանին փոխանցենք մեր բոլորի պահանջը. մինչև երեքշաբթի օրը՝ ժամը 12-ը ժամանակ ենք տալիս, որ Նիկոլը իր քաղաքական թիմի, խորհրդատուների հետ վերջնական քննարկի, որոշում ընդունի, հրաժարական տա և հեռանա։ Այս մասին կառավարական ամառանոցի դիմաց հայտարարեց ՀՅԴ ԳՄ ներկայացուցիչ Իշխան Սաղաթելյանը։

«Եթե մինչև նշված ժամը Նիկոլը չհեռանա, ամբողջ Հայաստանով մեկ դիմելու ենք անհնազանդության բողոքի ակցիաների»,-նշեց նա՝ դիմելով Փաշինյանին․ «Նիկոլ, սրանք վերջին ժամերն են, որ բնակվում ես կառավարական ամառանոցում»։

Ըստ Սաղաթելյանի՝ իրենք որևէ պայմանավորվածություն չեն ընդունելու․ «Մենք որևէ պայմանավորվածություն չենք կարող ունենալ։ Միայն երկու հարց կարող ենք քննարկել՝ Նիկոլի հեռացման օրը և ժամը, և երկրորդ՝ խոստանանք, որ ժողովուրդն իր հետ ֆիզիկական հաշվերհարդար չի տեսնելու»,-հայտարարեց նա։

***

2020թ. դեկտեմբերի 5-ին, ժամը 15:00-ին, Ազատության հրապարակում հրավիրվել է համազգային մեծ հանրահավաք, որի ժամանակ Հայրենիքի փրկության շարժման վարչապետի թեկնածու Վազգեն Մանուկյանը կներկայացնի նոր կառավարության առաջնահերթ գործողությունները և հակաճգնաժամային քայլերը: