«Հայկական Գեբելսի ինքնասպանությունը» ուղիղ եթերում

Հազիվ դիմանալով մինչև շաբաթ առավոտ՝ Նիկոլ Փաշինյանը հանդես եկավ «ժողովրդին ուղղված ուղերձով», որում իբր պատասխանեց երեկ իր հարցազրույցի ժամանակ նախագահ Ռոբերտ Քոչարյանի արած հայտարարություններին: Իրականում դա ոչ թե «ուղերձ էր ժողովրդին», այլ «հայկական Գեբելսի ինքնասպանությունը ուղիղ եթերում»:

Փաշինյանի ստերն այնպիսի չափերի են հասնում, որ նա ինքն այլեւս չի հասկանում՝ երբ է ճշմարտությունն ասում, եւ երբ է ստում:

Բայց նրա սուտն այնքան մեծ է, որ նա կարող է ուղիղ եթերում խոսել Լիսաբոնում ԵԱՀԿ գագաթնաժողովի մասին, որտեղ Հայաստանը մնաց մենակ, և մեզ ուզում էին ստիպել ամբողջ Ղարաբաղը տալ թշնամուն և նշել, որ դա տեղի է ունեցել 1995 թվականին: Չնայած գագաթնաժողովն անցկացվել էր 1996-ի դեկտեմբերին: Սա պարզապես խոսքի մեջ արված սխալ չէ, դա տեղեկատվության պակասի դրսեւորում է: Փաշինյանը, ինչպես նախկինում, ոչինչ չհասկացավ Ղարաբաղի հարցի վերաբերյալ, այնպես էլ հիմա բան ջի հասկանում:

Վարչապետի պաշտոնը զբաղեցնող անձը չի հասկանում, որ Ղարաբաղի կարգավիճակի վերաբերյալ հանրաքվեն, որը մենք ստացանք Մադրիդյան սկզբունքներով, անցկացվելու էր մեր վերահսկողության տակ գտնվող տարածքում, որտեղ հայերը կապրեին, ինչը ինքնաբերաբար նշանակում է, որ Ղարաբաղը կստանա անկախություն: Ավելին, անկախությունը ճանաչվելում էր աշխարհի կողմից: Բայց «հայկական Գեբելսը» դա չհասկացավ, կամ պարզապես միտումնավոր ստեց՝ իր կատարած ողբերգության ողջ մասշտաբը թաքցնելու համար:

Նիկոլի խոսքերն այլեւս չեն կարող համարվել «ուղերձ ժողովրդին»: Ժողովուրդը նրան չի լսում: Նրա խոսքերն ուղղված են այն քչերին, ովքեր այս կամ այն կերպ «կապված են գործող իշխանության հետ»: Նրանց ով ուղղակի շահ ունի Նիկոլի՝ իշխանության մեջ լինելուց, իսկ այդպիսի մարդիկ ճնշող փոքրամասնություն են կազմում:

Երկրորդ համաշխարհային պատերազմի ավարտին Գեբելսը ինքնասպան եղավ: Մի մարդ, որը ստել էր ավելի քան մեկ տասնամյակ և իր ժողովրդին այդ ստերով հասցրել էր աղետի, ինքնասպան եղավ: «Մեր Գեբելսը» համարձակություն չունի անգամ սրա համար: Բայց իր ամեն «ժողովրդին ուղղված» կոչով նա մի յուրօրինակ «ինքնասպանություն» է գործում, քանի որ մարդկանց համար ավելի ու ավելի ակնհայտ է դառնում, որ այն ով մեզ հասցրել է աղետի, և այն որ այդ անձն այլևս ի վիճակի չէ կառավարել երկիրը:

Մնացել են ընդամենը մի քանի նման ուղերձներ, որոնք մենք կարող ենք լսել Նիկոլից:

Փաշինյանի ժամանակը սպառվում է:

Սևակ Դանիելյան