Իշխանությունները վարչապետի գլխավորությամբ այնքան «լավ բաներ» են արել Հայաստանի և ազգիս համար, որ զարմանում ես, ո՞նց չեն գնատատում. Տեր Մաղաքիա քահանա Օհանյան. Տեսանյութ

Հաղորդումը դիտելուց և գրառումս կարդալուց հետո, իմ ֆեյսբուքյան փարիսեցի ընկերներին ուզում եմ հիշեցնել, որ չմոռանան ինձ դիտողություններ անել` ասելով. «Տեր հայր, ի՞նչ գործ ունես քաղաքականության հետ» կամ «ի՞նչ է ուզում եք նախկինները գան, մի՞թե դուք էլ հների կողմից եք»։

 

Իշխանությունները վարչապետի գլխավորությամբ այնքան «լավ բաներ» են արել Հայաստանի և ազգիս համար, որ զարմանում ես, ո՞նց չեն գնատատում։

Մի քանի օրինակ`

 

ա. բոլոր թալանչիները և դավաճանները վաղուց «ձերբակալված են», իսկ թալանի 30- տոկոսը վերադարձված է։

 

բ. Գոնսալես կոչվածին ձերբակալելուց հետո` Սաշիկի 50% թալանածը «ետ է վերադարձվել»։

 

գ. Կոռուպցիան «արմատախիլ» է արված, իսկ պարգևավճարները տրվում են , որպեսզի իրենց ժողովրդի «նվիրյալ» համարողները չգողանան և չթալանեն նախկինների պես։

 

գ. Կառավարության «թափանցիկ» աշխատանքի արդյունքում պատերազմից հետո` Համահայկական հիմնադրամից կառավարության հաշվին փոխանցվեցին միլիոնավոր դոլարներ, որոնք ծախսվեցին ըստ անհրաժեշտության և ժողովուրդը «տեղյակ» է այդ մասին (իմիջիայլոց մեր համայնքը 23 000 000 ռուբ. է փոխանցել)։

 

դ. Արցախը վաղուց «վաճառածները» արդեն քանի տարի է «բանտում են»։

ե. Արցախի երկինքը երբեք այսպես «պաշտպանված» չէր եղել, քանզի գերժամանակակից ՀՕՊ համակարգ ունեինք։

 

զ. Նոր պատերեազմ նոր տարածքներ։

 

է. Սու 30- երն էլ Բաքուն տրաքացրել են, ուղղակի չեն ասում, որովհետև ռազմական գաղտնիք է։

 

ը. Վարչապետը թաքուն ո՛չ մի թուղթ չի ստորագրել, ոնց՞ չեք հավատում։ Նա եկավ հրապարակ և ողջ ժողովուրդը «որոշեց» ի՞նչ պետք է անել։ Էդ չարաբաստիկ թուղթը նախկինների դրդմամբ է ստորագրվել։

 

թ. Պատերազմը «հաղթել ենք»։

 

ժ. Մեր Հայրենիքից ո՛չ թե 10000 քառակուսի կմ կորցրել ենք, այլ` «ավելացրել»։ Շուշիի պես դժբախտ և դժգույն քաղաքից էլ «հազիվ պրծանք»։

 

ժա. Դիվանագիտությունը չի պարտվել, մենք ռազմի դաշտում ենք պարտվել։

 

Կախարդական փայտիկի մասին չմոռանաք, այն ուղղակի կորել է, բայց անպայման կգտնվի և ամեն ինչ լավ կլինի։

 

Հայ եկեղեցու պատմություն առարկան հանելով` «ավելի է բարձրանալու» ապագա քաղաքացու բարոյական նկարագիրը։ Դպրոցում պետք չէ աղոթք սովորեցնել։

 

Հա՜ ի դեպ, տռանսգենդերը մեր «քրիստոնյա և ավանդական» կառավարության և հատկապես վարչապետի հովանու ներքո մնացին, իսկ մեր վանքերը և Սրբությունները` ադրբեջանցու։ Այսպես նման շատ ու շատ «լավ» բաներ։

 

Ինչպե՞ս կարելի է չվստահել ազգի «փրկչին» և «նվիրյալներին»։

Էհ՜՜՜՜...

 

Աստված հեռու պահի մեզ սատանայի որոգայթներից և ազատի մեր ազգին չարիքից։

Համբերություն և իմաստություն եմ մաղթում բոլորիս։