ԱՄՆ-ն մեղադրել է Թուրքիային «Ղարաբաղում ՆԱՏՕ-ի սկզբունքները խախտելու համար»
Հայտնի է դարձել, որ վերջերս, ՆԱՏՕ-ի անդամ երկրների ԱԳՆ ղեկավարների հանդիպման ժամանակ ԱՄՆ պետքարտուղար Մայքլ Պոմպեոն բացահայտ մեղադրել է Թուրքիային միջերկրական ծովի, Միջին Արևելքի և կովկասյան տարածքներում միակողմանի գործողություններ իրականացնելու համար, որի արդյունքում, ըստ նրա, «խախտվել են ՆԱՏՕ-ում հաստատված հիմնական սկզբունքները»:
Ի պատասխան դրան Թուրքիայի ԱԳ նախարար Չավուշօղլուն մեղադրել է ԱՄՆ-ին, ըստ նրա, «հակաթուրքական ուժերին աջակցելու մեջ»: Մասնավորապես թուրք նախարարը նշել է, որ Վաշինգտոնը միակողմանի աջակցում էր հույներին Միջերկրական ծովում, հայերին Ղարաբաղում և քրդերին Սիրիայում:
Չավուշօղլուի այս մեղադրանքները խիստ բացասաբար է ընդունվել ՆԱՏՕ-ի անդամ երկրների կողմից, սակայն Գերմանիայի ներկայացուցիչը փորձել է փոքր- ինչ լիցքաթափել իրավիճակը:
Շատ փորձագետների կարծիքով ՆԱՏՕ-ում արդեն նշմարվում է հակաթուրքական ալյանսի ստեղծումը Ֆրանսիայի և Հունաստանի գլխավորությամբ: ՆԱՏՕ-ից դուրս Ֆրանսիային և Հունաստանին պատրաստ են աջակցել արաբական հիմնական երկու երկրները` Եգիպտոսը և Սաուդյան Արաբիան:
Թուրքիայի պաշտպանի դերում փորձում են հանդես գալ Գերմանիան և Շվեդիան: Վերջիններս հույս ունեն համոզել ԱՄՆ-ի նորընտիր նախագահ Բայդենին միանալ իրենց դիրքորոշմանը և թույլ չտալ, որ ՆԱՏՕ-ն պառակտվի:
Ինչպիսի զարգացումներ կարող են սպասել այս հարաբերություններին գալիք տարվա հունվարիից հետո, երբ Բայդենը կստանձնի նախագահի պաշտոնը, ցույց կտա ոչ հեռու ապագան:
Zham.am
Հետևեք մեզ Facebook-ում