Դու մենակ ես, մենակ ես, մենակ ես...

Պետական ապարատը քանդվում է: Այն, ինչ կատարվում է այսօր Հայաստանում, տրամաբանական հետևանք է այն ամենի, ինչ արեց Նիկոլ Փաշինյանը 2.5 տարվա ընթացքում:

Այն ի սկզբանե հավաքվել էր «մի կերպ», և տարբեր ուժեր իրենց «մասնաբաժինն» ունեին այս թիմում, բայց այդ «տարբեր գործիքների նվագախումբը» սոսնձված էր Նիկոլ Փաշինյանի անձնական վարկանիշով: Սակայն, քանի որ կապիտալիզացիայի արդյունքում Փաշինյանի վարկանիշն ընկավ, նրա տակ գտնվող «իշխանության բուրգը» սկսեց փլուզվել:

Նախարարներն ու փոխնախարարներն ամեն օր լքում են Փաշինյանի թիմը: Հատուկ ծառայությունների աշխատակիցները հրաժարական են տալիս, նրա իշխող խմբակցությունը քանդվում է: Այս բոլոր գործընթացները տրամաբանական են:

Եվ եթե այս օրերին Նիկոլը կառչում է իշխանության մնացորդներից, ապա Նիկոլի տակ գտնվող բուրգը քանդվում է, քանի որ ոչ ոք չի ցանկանում դավաճանի պիտակը կրել մինչև իր կյանքի վերջը: Այս մարդկանց համար այլեւս «լեգիտիմ կազմավորված կառավարության» հարց չկա. բոլորը հիմա մտածում են ապագայի մասին: Եվ Փաշինյանը տեղ չունի այդ ապագայում:

Հիմա ինքը՝ Նիկոլը, պետք է մտածի միայն մեկ հարցի մասին. հեռանալու համար «հումանիտար միջանցք» ստեղծելու մասին, և նա դեռ ունի այդ հնարավորությունը:


Սևակ Դանիելյան