«Խոպանչիների իշխանությունը». այսօր Փաշինյանի հետ պատրաստ են համագործակցել միայն կոմերցիոն պատճառներով. Տեսանյութ

Նոյեմբերի 26-ին ՀՀ նախագահ Արմեն Սարգսյանի հրամանագրով՝ ՀՀ էկոնոմիկայի նախարար էր նշանակվել Վահան Քերոբյանը։ Հայ հասարակությանը նա ավելի հայտնի է որպես Menu.am ցանցի հիմնադիր:

Այս նշանակման մեջ հատկանշական է, որ ընդամենը մի քանի օր առաջ Վահան Քերոբյանն իր հարցազրույցում նշել էր, որ երկրի իշխանությունները ստում էին, որ մենք հսկայական խնդիրներ ունենք բանակի հետ, բայց իշխանություններն այս մասին ժողովրդին չեն ասել: Եվ ընդամենը մի քանի օր անց նույն Քերոբյանը նշանակվեց նախարարի պաշտոնում:

Քերոբյանի տրամաբանությունը պարզ է. լինելով կոմերսանտ՝ նա հասկանում է, որ նախարարի պաշտոնում անգամ կարճաժամկետ պաշտոնավարումը կարող է շատ ձեռնտու լինել իր բիզնեսի համար: Ավելին, Փաշինյանի կաբինետում բոլոր նոր նախարարները գործում են նույն՝ կոմերսանտի տրամաբանությամբ: Ընդհանուր առմամբ, մենք այսօր ունենք «խոպանչիների իշխանություն»

Կառավարությունն այսօր մի խումբ մարդկանցից է կազմված, ովքեր միավորված են իրենց անձնական շահերով, այլ ոչ թե մարդիկ են, ովքեր կոչված են լուծելու հասարակության խնդիրները, ապահովելու պետական ինստիտուտների գործունեությունը:

Այսօր Փաշինյանի «մեռնող ռեժիմի» հետ ոչ ոք չի աշխատի առանց կոմերցիոն տրամաբանության. Քերոբյանը ստացավ նախարարի պաշտոնը, Սասուն Խաչատրյանը՝ Մխիթար Գոշի մեդալ և այլն:

Փաշինյանի պահվածքը նույնպես բավականին հասկանալի է: Նա բոլորից լավ գիտի, որ ձախողվել է, բայց հուսահատ կերպով ուզում է մնալ իշխանության: Նա նաև հասկանում է, որ ոչ ոք պատրաստ չէ իր հետ աշխատել «գաղափարի համար», ուստի նման պայմաններում նա պատրաստ է կատարել բոլոր նրանց ցանկությունները, ովքեր պատրաստ են աշխատել նրա հետ:

Կոմերսանտների առանձնահատկությունն այն է, որ նրանք ի վիճակի են մտածել միջնաժամկետ և երկարաժամկետ հեռանկարով: Այս կապակցությամբ կցանկանայինք դիմել Փաշինյանի թիմի նորեկներին և պոտենցիալ նորեկներին. դուք դիտարկե՞լ եք բոլոր ռիսկերն ու հեռանկարները, որոնք առաջանում են Փաղինյանի պես անձի թիմում պաշտոն ստանալու արդյունքում: Մի անձի, որին հասարակության ճնշող մեծամասնությունը համարում է դավաճան:

Արդյո՞ք ձեր բիզնեսի ընթացիկ շահույթն արժե այն կորուստը, որը ապագայում կունենա ձեր բիզնեսն ու հեղինակությունը: Եթե գործարարը հեղինակություն չունի, ապա բիզնեսում նա ապագա չունի: Սա փաստ է:

Մեր կոմերսանտները պետք է մտածեն այս մասին:

Սևակ Դանիելյան