Փաշինյան. «Մենք ձեր առաջ լիովին ազնիվ ենք: Ուրիշ էլ ինչպե՞ս պետք է ասվեր` աղիողորմ ճիչերո՞վ».
ՀՀ վարչապետ Նիկոլ Փաշինյանը վստահեցնում է, որ պատերազմի մեկնարկի ժամանակ և հընթացս ասել է ամեն ինչ, սակայն մի փոքր այլ` պատերազմին հատուկ եղանակներով ու ձևերով։ Փաշինյանը նման հայտարարություն արեց իր տեսաուղերձում` խոսելով այն մասին, թե ժողովուրդը կորցրել է վստահությունը պաշտոնական լրատվության նկատմամբ։
«Ես ասել եմ ամեն ինչ, սակայն այնպես, որ ասվածը հակառակորդին չտա այնքան տեղեկատվություն, որը կարող է անթույլատրելի լինել և սպառնալիք դառնալ մեր անվտանգության համար»,–ասաց Փաշինյանը։
Նա նշեց` պաշտոնական մարմինների կողմից մի՞թե չի ասվել, որ մարտեր են ընթանում Հադրութի մոտ, Մարտունու, Շուշիի և Քարին տակի մերձակայքում, Սյունիքի ինքնապաշտպանության խմբեր ձևավորելու մասին չի՞ ասվել։
«Ի՞նչ էր նշանակում այդ ամենը կամ ուրիշ էլ ինչպե՞ս պետք է ասվեր` աղիողորմ ճիչերո՞վ, փախչել–փրկվելու կոչերո՞վ, խուճապ տարածելո՞վ։ Ասվել է բանակի գեներալների ու սպաների հերոսության մասին` մի՞թե դա սուտ է»,–հարցրեց Փաշինյանը` հավելելով, թե նրանց կյանքերը փրկելու համար է նաև գնացել եռակողմ համաձայնագրի կնքման մասին որոշմանը։
Մանրամասներն՝ այստեղ:
Zham.am
Հետևեք մեզ Facebook-ում