Իրաքի ԱԳ նախարարը հայտարարել է երկրում ԻՊ գրոհայինների ակտիվացման մասին

«Իսլամական պետություն» (ԻՊ) ահաբեկչական խմբավորումն ակտիվացրել է իր գործունեությունն Իրաքում, РИА Новости-ին տված հարցազրույցում ասել է երկրի արտգործնախարար Ֆուադ Հուսեյնը:

«Ցավոք, ԻՊ ահաբեկչական խմբավորումը գոյություն ունի և ավելի է ակտիվացել, քան մի քանի ամիս առաջ: Մենք տեղեկություններ ունենք, որ խումբը տեղակայված է Անբարի, Քիրքուկի և Դիյալայի նահանգների որոշակի տարածքներում և Նայնավի որոշ շրջաններում», – ասել է Հուսեյնը:

«Մեզ մոտ են տարբեր քաղաքացիություններ ունեցող ԻՊ անդամներ», – նշել է Հուսեյնը՝ ավելացնելով, որ Իրաքի իշխանությունները երկխոսության մեջ են Արևմտյան Եվրոպայի երկրների հետ ԻՊ-ին միացած և երկրի տարածքում ահաբեկչական գործողություններ կատարած իրենց քաղաքացիների հարցով։

Zham.am