Կառավարությանը կոչ ենք անում իր անգործության պատճառով չշարունակել սահմանափակումները. դրանց կարիքը չկա. Գևորգ Գորգիսյան. Տեսանյութ

Մենք ունենք իրավիճակ, երբ ռազմական դրության քողի տակ բոլոր սահմանափակումները շարունակվում են՝ խոսքի, հավաքների և գործադուլների ազատության սահմանափակում՝ տնտեսական լուրջ հետևանքներով, ԱԺ արտահերթ նիստի ժամանակ ասաց «Լուսավոր Հայաստան» խմբակցության քարտուղար Գևորգ Գորգիսյանը:

Նրա խոսքով՝ ռազմական դրության պայմաններում շատ մարդիկ չեն կարողանում հատել երկրի սահմանը՝ արտերկրում աշխատելու և գումարներ ուղարկելու հայրենիք:

«Հազարավոր քաղաքացիներ չեն կարողանում զբաղվել իրենց տնտեսական գործունեությամբ: Մի կողմից մենք ունենք սահմանափակումներ, որոնց կարիքը չկա, որն ավելի է խորացնում տնտեսական բարդ իրավիճակը, մյուս կողմից կառավարությանը կոչ ենք անում իր անգործության պատճառով չշարունակել սահմանափակումները, որոնց կարիքը չկա: Մենք պետք է օր առաջ կարողանանք վերացնել ռազմական դրությունը: 

Կարծում եմ, որ կառավարությունն այսօրվա նիստում կարող է համապատասան որոշումներ ընդունել, որոնց համար 17 օր ժամանակ ուներ», - ասաց Գևորգ Գորգիսյանը:

Մանրամասները՝ Tert.am-ի տեսանյութում: