«Ռումբերի մայրը» ընդդեմ ԻՊ թունելների անապատում. ԱՄՆ-ն ռումբ է նետել Աֆղանստանի վրա (տեսանյութ)

«Ռումբերի մայրը» ընդդեմ թունելների անապատում: ԱՄՆ-ն Աֆղանստանի վրա է գցել ամենահզոր ոչ ատոմային ռումբը, որը ոչնչացնում է ամեն բան 150 մետր շառավիղով, ԻՊ մի քանի ստորգետնյա թունելներ ոչնչացնելու համար: ԱՄՆ նախագահ Դոնալդ Թրամփը շնորհակալություն է հայտնել զինվորականներին արված աշխատանքի համար: Ասաց, որ հպարտանում է նրանցով: Միևնույն ժամանակ անհանգստություն են հայտնում փորձագետները:

«Շատ եմ հպարտանում մեր բանակով: Զինվորականները հիանալի կատարեցին հերթական խնդիրը: Մենք զինված ուժերը ամենահզորն են աշխարհում և նրանք, ինչպես միշտ, կատարեցին իրենց աշխատանքը: Մենք նրանց դրա համար իրավունք տվեցինք, և դա այն է, ինչ նրանք անում են ներկայում», - հայտարարեց ԱՄՆ նախագահ Դոնալդ Թրամփը:

Ռումբի կիրառման հիմնական նպատակը եղել է ԻՊ ահաբեկիչների ստորգետնյա բունկերների ու թունելների ոչնչացումը:

Հարվածից մի քանի ժամ անց, որը տեղի է ունեցել տեղական ժամանակով յոթին, Պենտագոնը  համապատասխան տեսանյութ է հրապարակում:

Գործողություն մանրամասները պատմել է Սպիտակ տան մամուլի խոսնակ Շոն Սպայսերը:

Գրեթե միանգամից «Թվիթթերի» իր էջում արձագանքում է Էդվարդ Սնոուդենը (ԱՄՆ ԿՀՎ նախկին անդամ). «Վաշինգթոնը հարվածում է թունելներին, որոնք մոջահեդները կառուցել են ԱՄՆ հարկատուների փողերով»,- իսկ որպես ապացույց նա ներկայացրեց «The New York Times»-ի արխիվային հոդվածը:

«Սա մոջահեդների թունելներն են, որոնք մենք ռմբակոծում ենք Աֆղանստանու՞մ: Մենք վճարել ենք դրանց համար»: Հաղորդում է «Вести.ru»-ն:

Zham.am