«Ամենևին չեմ կասկածում, որ Ջալալի կոորդինատները փոխանցվել է որոշ մարդկանց կողմից»․ Գառնիկ Իսագուլյան
«Արցախում այս ընթացքում կազմակերպվել են բազմաթիվ սպանություններ»,- այսօր հրավիրված ասուլիսում հայտարարեց «Ազգային անվտանգություն» կուսակցության նախագահ Գառնիկ Իսագուլյանը:
«Ամենևին չեմ կասկածում, որ Ջալալի (Արցախի ՊԲ արդեն նախկին հրամանատար Ջալալ Հարությունյանը,) կոորդինատները փոխանցվել է որոշ մարդկանց կողմից, որոնց պետք չի եղել, որ հանկարծ Ջալալը խոսի: Այստեղ նստած է մեր հեռուստաընկերության թղթակից Լուսինե Հայրապետյանը, մեր նկատմամբ նույնպես եղել է մահափորձի հանձնարարական: Կարող եմ անուններ տալ. Գեորգի Պետրոսյանի միամտության պատճառով դա արել են Մասիս Մայիլյանը և Սամվել Բաբայանը: Շուշիում, որ գտնվել ենք, Գեորգի Պետրոսյանը, չիմանալով, թե ինչո՞ւ են իրեն րոպեն մեկ զանգահարում Սամվելը և Մասիսը, չիմանալով՝ ասել է կոորդինատները: Եվ մի քանի րոպե հետո ինձանից 3 մետրի վրա Սմերչը հրաշքով չպայթեց»:
Հետևեք մեզ Facebook-ում