Օկուպացված բնակավայրերի ցանկի մասին

ՀՀ կառավարության ձևակերպումը սխալ է՝ ոչ թե «2020 ԹՎԱԿԱՆԻ ՍԵՊՏԵՄԲԵՐԻ 27-ԻՑ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԱՐՑԱԽԻ ՀԱՆՐԱՊԵՏՈՒԹՅԱՆ ԴԵՄ ՍԿՍՎԱԾ ՊԱՏԵՐԱԶՄԱԿԱՆ ԳՈՐԾՈՂՈՒԹՅՈՒՆՆԵՐԻ ՀԵՏԵՎԱՆՔՈՎ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ՎԵՐԱՀՍԿՈՂՈՒԹՅԱՆ ՏԱԿ ԱՆՑԱԾ ՀԱՄԱՅՆՔՆԵՐ», այլ «2020 ԹՎԱԿԱՆԻ ՆՈՅԵՄԲԵՐԻ 9-ԻՆ ՀՀ, ՌԴ ԵՎ ԱՀ ՂԵԿԱՎԱՐՆԵՐԻ ԵՌԱԿՈՂՄ ԳՐԱՎՈՐ ՀԱՅՏԱՐԱՐՈՒԹՅԱՆ ԱՐԴՅՈՒՆՔՈՒՄ ԱՐՑԱԽԻ ՀԱՆՐԱՊԵՏՈՒԹՅԱՆ՝ ԱԴՐԲԵՋԱՆԻ ՀԱՆՐԱՊԵՏՈՒԹՅԱՆ ԶԻՆՎԱԾ ՈՒԺԵՐԻ ԿՈՂՄԻՑ ՕԿՈՒՊԱՑՎԱԾ ԲՆԱԿԱՎԱՅՐԵՐ»։

1) Պետք է ֆիքսվեն ոչ թե համայնքները, այլ բնակավայրերը (գյուղերն ու քաղաքներն՝ առանձին-առանձին)։

2) Այս բոլոր բնակավայրերը, անգամ նրանք, որ գրավոր հայտարարության պահին արդեն իսկ օկուպացված էին, Ադրբեջանին են անցել գրավոր հայտարարության արդյունքում։

3) Գրավոր հայտարարություն, ոչ թե «համաձայնագիր» կամ այլ նման բաներ, որովհետև այդ թութը ոչ մի կապ չունի ո՛չ միջազգային իրավունքի jus cogens սկզբունքների, ո՛չ էլ ՀՀ ներպետական իրավունքի հետ։ Այն անգամ Ադրբեջանի և Ռուսաստանի օրենսդիր մարմինների կողմից վավերացված չէ։ Դա ընդամենը գետնի վրա առկա ռազմական և քաղաքական իրողություններն ամրագրող գրավոր հայտարարություն է։

4) «Օկուպացված», որովհետև դրանք օկուպացված են, ու Հայաստանի կառավարությունը պարտավոր է դա ամրագրել՝ հիմք ստեղծելով հաջորդ կառավարությունների համար՝ վերաազատագրելու դրանք։

Էդգար Էլբակյանի ֆեյսբուքյան էջից