Մինչ մենք փորձում ենք ուշքի գալ ու փրկել այն, ինչ դեռ հնարավոր է փրկել, «իմքայլականները» ԱԺ հատուկ նիստով հաստատում են KfW բանկի հետ վարկային համաձայնագրի երկարացումը

21 Նոյեմբեր, 2020 21:43

Դիտել նաև

«Սովետի օրոք սովետի ՊԱԿ-ի հետ ո՞ր մի հասարակական ակտիվ անձը շփում չուներ»․ Վահե Սարգսյան «Հայաստանի 4-րդ Գյոյչայական Հանրապետությունը» «Նարեկ Օհանյանը մեղադրվում է հանցանքին օժանդակելու համար, սակայն կալանքի մեջ է որպես կատարող»․ Վահե Հովհաննիսյան Էներգետիկ անվտանգությունը ինքնիշխանության հենասյուներից է․ Վահե Դավթյան ՀԱԱՀ ագրոնոմիական ֆակուլտետի 5 մասնագիտություններում ընդունվել է 4 դիմորդ․ Վահե Սարգսյան

Մինչ մենք փորձում ենք ուշքի գալ ու փրկել այն, ինչ դեռ հնարավոր է փրկել, «իմքայլականները» ԱԺ հատուկ նիստով հաստատում են KfW բանկի հետ վարկային համաձայնագրի երկարացումը՝ ավելացնելով Հայաստանի պետական պարտքը ևս 75 մլն եվրոյով: Հատկանշական է, որ հոկտեմբերին համաձայնագրի երկարացումը ձախողվեց՝ պայմանավորված խորհրդարանական ընդդիմության կոշտ գնահատականներով: Այժմ արդեն, ԱԺ նիստին ընդդիմության բացակայության պայմաններում, իրենք իրենցով լուծեցին ծանրացած խնդիրը:

Վարկային ծրագրով նախատեսված է Հայաստան-Վրաստան էլեկտրահաղորդման օդային գծի, ինչպես նաև Դդմաշենի ենթակայանի կառուցումը:

Վերջինս, իհարկե, անհրաժեշտ է, սակայն.

1. 2018-ին ձևավորված նոր կառավարությունը մերժեց նախկինում հաստատված Հայաստան-Վրաստան օդային գծի կառուցման ծրագիրը՝ հայտարարելով դրա վերաիմաստավորելու անհրաժեշտության մասին: Արդյունքում այն ոչ միայն տեղից չշարժվեց, այլ նաև ստեղծեց լրացուցիչ ֆինանսական ռիսկեր: Մասնավորապես, նախկինում հաստատված ծրագիրը չիրականացնելու պատճառով Երևանը՝ վարկային համաձայնագիրը չերկարացնելու պարագայում պետք է վճարի տուգանք՝ 16 մլն եվրոյի չափով:

2. Վրաստանի ուղղությամբ էլեկտրաէներգիայի արտահանման ռազմավարության բացակայության պատճառով Հայաստանն այդ շուկայում վերջնականապես դիրքերը զիջեց Ադրբեջանին, որն այլևս ապահովում է Վրաստան ներկրվող էլեկտրաէներգիայի ամբողջ ծավալի մոտ 50%-ը: Ավելին՝ այսօր Հայաստանը ոչ միայն էլեկտրաէներգիա չի արտահանում վրացական ուղղությամբ, այլ գնալով ավելացնում է Վրաստանից ներկրվող էլեկտրաէներգիայի ծավալները (USAID, ականջդ կանչի):

3. Գուցե թեմայից դուրս կլինի, բայց պետական պարտքի շարունակական աճը գնահատելիս՝ չմոռանանք, որ պետական կառավարման համակարգում պարգևատրումների ֆոնդը տարեկան կազմում է ավելի քան 25 միլիարդ դրամ, ինչն այսօրվա փոխարժեքով մոտ 50 մլն դոլար է:

Վահե Դավթյանի ֆեյսբուքյան էջից