Նույնիսկ այս փաշինյանական ՍԴ-ն է դուրս գալիս Փաշինյանի ազդեցության տակից

Շատերի համար անսպասելիորեն ներկայիս ՍԴ-ն քիչ առաջ ՀՀ Մարդու իրավունքների պաշտպանի դիմումի հիման վրա կասեցրեց.

«Արտակարգ դրության իրավիճակի ռեժիմի մասին» ՀՀ կառավարության որոշման այն դրույթը, որով ֆիզիկական անձանց և ԶԼՄ-ներին արգելվում էր պաշտոնականից տարբերվող կարծիք հայտնել կամ տարածել` մինչև գործի ամբողջական քննության ավարտը: Սա թերևս նշանակում է, որ այդ դրույթը հակասահմանադրական կճանաչվի:

Այս որոշման կարևոր կողմն այն է, որ ՍԴ-ն փաստացի դեմ գնաց Նիկոլ Փաշինյանին, ով այս դրույթի քողի տակ նպատակ ուներ սահմանափակելու իրեն քննադատողներին:

Սակայն հաշվի առնելով ներկա իրավիճակը, երբ Փաշինյանի լեգիտիմության սրընթաց փլուզում է կատարվում ՍԴ-ի անդամները որոշեցին տարանջատվել Փաշինյանից, որպեսզի հետագայում խուսափեն հետփաշինյանական իշխանության կողմից հնարավոր ճնշումներից:

Իսկ դա նշանակում է, որ Փաշինյանը զրկվում է իր կարևորագույն գործիքից, որի  ստեղծման համար պայքարում էր վերջին ավելի քան մեկ տարվա ընթացքում:

Պատերազմում պարտությունը փաստացի զրոյացրեց Փաշինյանի բոլոր ջանքերը նաև այս ուղությամբ, ինչը կարող է  նրա համար վտանգավոր չափի իրավական ուղի բացել նույնիսկ իշխանությունից հեռացնելու համար: Իսկ կլինեն այդ քայլերը թե ոչ, ցույց կտա  ոչ հեռու ապագան:

Արտակ Հակոբյան