Վազգենի արձանի պղծումը Շուշիում կատարվեց նաև քո ու քո նմանների պատճառով

Շուշիի անկման հետ եկավ նաև մեր նվաստացումների հերթը: Թուրքական դրոշի առկայությունը, եկեղեցիների պղծումների հետ մեկտեղ ադրբեջանցիները փորձում են նվաստացնել մեզ նաև պղծելով մեր հերոսների արձանները:

Վերջին այս դեպքը, երբ Շուշիում տեղակայված Վազգեն Սարգսյանի արձանն էր պղծվում, դառը տպավորություն թողեց մեզ բոլորիս վրա: Քանզի այդ ստահակ ադրբեջանցին ծաղրեց ոչ միայն Վազգենի արձանը, այլև մեզ բոլորիս, բայց այս կոնտեքստում նաև սիմվոլիզմ կա:

Այս ամենի մեջ ծանրագույն մեղքը ունի նաև Վազգենի եղբայր Արամ Զավենիչը: Նրա գործնեության 20 տարիների արդյունքում է  նաև, որ մենք հասանք այս օրին:

Միայն Փաշինյանին քավության նոխազ դարձնել պետք չէ: Այս ամենի արդյունքը այն փաշինյանիզմի փիլիսոփայությունն էր, որի արդյունքում Հայաստանը հայտնվեց այս իրավիճակում:

Եվ այս համատեքստում Արամ Զավենիչի դերը նույնպես չի կարելի թերագնահատել: Երկրում ատելության, թույնի քարոզը նաև ինքն էր իրականացնում: Հայկական բանակի սպայակազմի դեմ դատավարությունները, հակառուսական խայտառակ քարոզը, ղարաբաղցիների դեմ ակնհայտ հակակրանքը իր դերը կատարեցին:

Այդ տեսանկյունից Արամ Զավենիչի հանցանքները չի կարելի չնկատել: Նա փաստացի պղծեց իր եղբոր՝ Վազգենի հիշատակը, իրականացնելով 180 աստիճան Վազգենի պատկերացումներին քայլեր և  միաժամանակ չհրաժարվելով Վազգենի իրավաժառանգորդի դիրքերից:

Արամ Զավենիչը իր ապրած կյանքով պղծեց Վազգենի հիշատակը, որը ոչ ոք չի մոռանալու, ինչպես ոչ ոք չի մոռանալու այն բոլոր դավաճաններին, որի պատճառով մենք փաստացի կորցրինք մեր երկրորդ պետականությունը՝ Արցախը:

Դավիթ Մկրտչյան