Կրեմլը բացատրել է Դաշնության խորհրդի համաձայնության դիմումը` Ղարաբաղ խաղաղապահ առաքելություն ուղարկելու համար

Ռուսաստանի նախագահի մամուլի քարտուղար Դմիտրի Պեսկովը հայտնել է, որ Դաշնության խորհրդի համաձայնությունը ԼՂ խաղաղապահներ ուղարկելու համար պահանջվել է առաքելության մասշտաբի և պատասխանատվության պատճառով։ Այս մասին հայտնում է «ՌԻԱ Նովոստի»-ն:

«Այո, իսկապես կար 2015-ի որոշումը, որը իրավական հիմք էր եւ հիմք է` նախագահի կողմից նման օպերատիվ որոշումներ կայացնելու համար, սակայն, հաշվի առնելով այն, որ առջեւում հնգամյա ժամկետ է, որը անհրաժեշտության դեպքում կարող է երկարաձգվել, հաշվի առնելով այդ առաքելություն բավականին մասշտաբայնությունը եւ պատասխանատվությունը, լրացուցիչ թույլտվություն պահանջվեց այդ առաքելության համար»,- լրագրողների հետ զրույցում ասաց Պեսկովը:

Նա նաև հայտնել է, որ Ղարաբաղում խաղաղապահ ուժեր մտցնելու մասին հրամանագրի վերաթողարկումը կախված կլինի իրավական մարմինների կարծիքից:

«Ես չգիտեմ, թե նրանք ինչ կարծիք կունենան, բայց դե-ֆակտո դա ոչինչ չի փոխի: Եվս մեկ անգամ կրկնեմ` քանի որ փաստաթուղթն ուժի մեջ է 2015 թվականից»,- ասաց նա:

Zham.am