Պատժել ոչ թե օրենքը խախտողին¸ այլ խախտումը արձանագրողին

Ինչպես հայտնի է՝ դպրոցների 30 տնօրեններ դատի են տվել «Իրազեկ քաղաքացիների» միավորում հասարակկաան կազմակերպության համակարգող Դանիել Իոաննիսյանին և պահանջում են նրանից 60 մնլ դրամ փոխահատուցել զրպարտության համար: Դպրոցների տնօրենների համար դատի տալու հիմք է հանդիսացել «Իրազղեկ քաղաքացիների» կողմից հրապարկված նյութը Sut.am կայքում¸ որտեղ փաստեր են ներկայացվում այն մասին¸ թե ինչպես է ՀՀԿ-ն¸ օգտագործելով իր վարչական ռեսուրսները ընտրություններից առաջ մարդկանց ցուցակագրում¸ որպեսզի վերջիններս «ճիշտ» քվեարկեն ընտրությունների համար:

Եթե մենք ապրեինք զարգացած¸ ժողովրդավար երկրում¸ ապա վերոհիշյալ հրապարկումից հետո բոլոր տնօրենները առնվազն կազատվեին աշխատանքից¸ իսկ ավելի հավանական կլիներ¸ որ աշխատանքից ազատվելուց զատ իրենց համապատասխան վարչական կամ քրեական պատժի կենթարկվեին¸ սակայն քանի որ մենք ապրում ենք ոչ թե ժողովրդավար¸ զարգացած երկրում¸ այլ Սերժ Սարգսյանի մենիշխանության տակ գտնվող Հայաստանում¸ այդ տնօրեննները ունենալով ՀՀԿ-ի աջակցությունը¸ օգտվելով միևնույն իրավաբանական կազմակերպության ծառայությունից¸ դիմնել են դատարան և Դանիել Իոաննիսյանից պահանջում են 60 մլն զրպարտության համար:

Նախ և առաջ պետք է նշել¸ որ զրպարտություն նշանակում է մի տեղեկություն¸ որում առկա է սուտը¸ կեղծիքը¸ սակայն Sut.am-ի հրապարակման մեջ չկար ոչինչ¸ ինչն ինքնակամ չէին ասել դպրոցներրի տնօրենները: Սակայն այս ամենի մեջ կարևոր է այն¸ որ այս նախադեպը կարող է շատ լուրջ հարված հասցնել Հայաստանում առանց այդ խաթարված ազատ խոսքի իրավունքին և արդեն դատարանի որոշմամբ կարող է կամրագրվի իշանությունների այն մոտեցումը¸ որ Հայաստանում եթե հանրապետականին և Սերժ Սարգսյանին պետք լինի¸ կարող են պատժել ոչ թե օրենքը խախտողին¸ այլ այն անձանց կամ միավորումներին¸ ովքեր արձանագրում են օրենքի այդ խախտումը:

Սա նաև լուրջ հարված է իրականում հետաքննությամբ զբաղվող այն բոլոր լրագրողներին¸ ովքեր իրենց նպատակ են հռչակել բացահայտել իշխանությունների կողմից կատարվող ապօրինությունները: Եվ թող իրենք էլ չզարմանան մի օր¸ երբ իրենց նույնպես պատժեն այն բանի համար¸ որ իրենք բացահայտեն օրինակ ինչ-որ մի պաշտոնյայի օֆշորը Կիպրոսում կամ Պանամայում: Այս պատմության մեջ հետաքրքիր է նաև հիշյալ դպրոցների աշակերտների ծնողների պահվածքը¸ որոնք փոխանակ օգտագործեին ստեղծված աղմուկը և պահանջեին տնօրեններին ազատել իրենց պաշտոններից և չքաղաքականացնել դպրոցը¸ իրենք շարունակում են լռել:

Այս իրավիճակը ընտրություններից առաջ Ջրառատում կատարված բարբարոսության տրամաբանական շարունակությունն է: Մի դեպքում ՀՀ փոխոստիկանապետ Լևոն Երանոսյանի ներկայությամբ լոմով երիատասրդի գլուխ են ջարդում միայն այն բանի համար¸ որ նրա հարազատները հանդգնել են ընդդիմադիր ուժի նախընտրակնա հավաքին մասնակցել¸ իսկ մյուս դեպքում Աշոտյանի օրհնությանբ¸ դատի են տալիս մի կազմակերպության¸ որը ապացուցել է այն¸ որ ՀՀԿ-ն օգտագործում է վարչական ռեսուրս և այն¸ որ կրթօջախները ամբողջ երկրով մեկ քաղաքականցվել են և ծառայում են մեկ մարդու և մեկ քաղաքական ուժի ծրագրերին:

Իսկ դուք ասում եք անվտանգություն և առաջընթաց...

Արմեն Միքայելյան