Վերցրու քո ՀԴՄ կտրոնները ու գնա, Նիկոլ. ժողովուրդը կվճարի քո ու ընտանիքիդ հավերժ թոշակն էլ կտա. Գեղամ Մանուկյան. Տեսանյութ
Հայ ազգը սգում է մեր կորստով, թերեւս պատահական չէր, որ Արցախի թեմի 30 տարվա առաջնորդ Պարգեւ Սրբազանն այսօր սրտի կաթված է ստացել: Այս մասին, այսօր՝ նոյեմբերի 16-ին, Ազատության հրապարակում Նիկոլ Փաշինյանի հրաժարականի պահանջով հանրահավաքի ժամանակ նեց ՀՅԴ անդամ Գեղամ Մանուկյանը:
«Պարգեւ Սրբազանն է, որ գիտի՝ ինչ է կորցրել, նա էր, որ 1992-ի մայիսի 8-ին արտասվելով աղոթք էր կարդում Շուշիի Ղազանչեցոցում: Պարգեւ Սրբազանն էր, որ հասկանում էր, թե ինչ է Շուշին, ի տարբերություն այդ մեկ մարդու, որ անամոթ պատգամավորների առաջ Շուշին մռայլ քաղաք է համարում: Ինքը Դադիվանքը, Քարվաճառը, ամեն ինչը պատկերացնում էր ՀԴՄ կտրոնով: Վերցրու քո ՀԴՄ կտրոնները ու գնա, Նիկոլ: Ժողովուրդը կվճարի էդ ՀԴՄ կտրոնները, քո ու ընտանիքիդ հավերժ թոշակն էլ կտա, կպահովի քո անվտանգությունը, բայց հանուն էս երկրի, հանուն էս մարդկանց ներվի, գնա: Դու 30 տարի կտուտիտ լինելով ապրեցիր, հարամեցիր ժուռնալիստի մասնագիտությունը:
Այստեղ հավաքված կուսակցությունները հանուն հայրենիքի են հավաքվել, հանուն հայրենիքի նրանք բռնության չեն դիմելու: Դրա համար, երբ անհայտ մարդիկ գրոհեցին Ազգային ժողովը, կառավարությունը, կառավարական ամառանոցը, այդ կուսակցությունները հրապարակային բռնությունը դատապարտեցին»,-ասաց Գեղամ Մանուկյանը:
Մանրամասները՝ NEWS.am-ի տեսանյութում: