Ամիրյանը Լոս Անջելեսում բանակցել է «Հայֆիլմի» և գրաբուսների ծրագրերի շուրջ
Աշխատանքային այցի ընթացքում ՀՀ մշակույթի նախարար Արմեն Ամիրյանը Լոս Անջելեսում բանակցություններ է ունեցել «Հայֆիլմ» կինոստուդիան վերականգնելու, վերակառուցելու և ժամանակակից կինոարտադրության գործուն կառույց դարձնելու ծրագրի հնարավոր ներդրողների հետ։ Արդյունքը կհրապարակվի որոշակի դառնալուն պես։
Նախարարը Լոս Անջելեսում հանդիպել է նաև գործարար , ազգային բարերար Վահե Կարապետյանին, քննարկել նախարարության՝ գրաբուսի ծրագիրը ( փոքրիկ ավտոբուս, որին հարմարեցված են սրճարանային հատվածը և գրավաճառ կրպակը)։
Պայմանավորվածություն է ձեռք բերվել նման 10 գրաբուսի շուրջ. առաջինը շուտով կբերվի Հայաստան (տե′ս նկարը)։
Իսկ «Հոլիվուդ» բուլվարի չինական կինոթատրոնում Արմեն Ամիրյանը երեկ ներկա է եղել «Խոստումը» ֆիլմի պրեմիերիային ցուցադրությանը։
Հետևեք մեզ Facebook-ում