Հանդիպումից հետո սկսել ենք իրար ավելի լավ հասկանալ. Լավրովը Թիլերսոնի հետ հանդիպման մասին (տեսանյութ)

Մոսկվան պատրաստ է վերագործարկել Սիրիայում պատահարների կանխարգելման հուշագիրը ԱՄՆ-ի և Ռուսաստանի միջև: Նման հայտարարություն է հնչել Սերգեյ Լավրովի և Ռեքս Թիլերսոնի հանդիպման արդյունքներն ամփոփելիս: Դա հնարավոր կլինի, եթե կողմերը հաստատեն ամերիկյան ավիացիայի և Ռուսաստանի ռազմատիեզերական ուժերի գործողությունների նախնական նպատակը: Խոսքը գնում է «Իսլամական պետություն» և «Ջեբհաթ ան-Նուսրա» ահաբեկչական խմբավորումների մասին:

Ի տարբերություն փետրվարին  Բոնում կայացած հանդիպմանը, երկու գերտերությունների արտգործնախարարների մոսկովյան հանդիպումը գրեթե փակ էր ԶԼՄ-ի համար:

Դիվանագետները նշեցին, որ համար մեկ խնդիրը՝ վստահության վերականգնումն է: Երկկողմ հարաբերությունների հարցերով աշխատանքային խումբ կստեղծվի:

Ինչ վերաբերվում է Սիրիային, Վաշինգթոնի՝ Ասադին կենդանի ու Հիտլերի հետ համեմատելու որակումներին, ԱՄՆ արտգործնախարարը խուսափում է պատասխանել: Իբր ԱՄՆ-ն սիրիական կառավարության կողմից քիմիական զենքի կիրառման 50 դեպքի տվյալներ ունի՝ առանց աղբյուրները նշելու:

Թիլերսոնը հանդիպել է նաև ՌԴ նախագահ Վլադիմիր Պուտինին: Հանդիպումը տևել է մոտ երկու ժամ: ԱՄՆ-ն պնդում է իր այն տեսակետը, որ Ասադը Սիրիայի քաղաքական ապագայում տեղ չունի, «աշխարհը չի ընդունի»: Հաղորդում է «Вести.ru»-ն: 

ՌԴ ԱԳ ղեկավար Սերգեյ Լավրովն էլ շեշտեց, որ հարցն անձանց մեջ չէ, առաջնորդներին արդեն տապալել են դրսի ուժերը՝ ոչ մի լավ բանի չի հանգեցրել, երկրների ցանկը հայտնի է: Պետք է ոչ թե աշխարհը որոշի, այլ սիրիացիները:

Լավրովը նաև հավելեց, որ հանդիպումից հետո կողմերը սկսել են իրար ավելի լավ հասկանալ:

Մանրամասները՝ կից տեսանյութում:

Zham.am