Հաջորդ պատերազմի վայրը՝ ՀԱՅԱՍՏԱՆ
Դիտել նաև
«Դիտավորյալ արարքի հետևանք է»․ Արփինե Սարգսյան
Արփինե Սարգսյանն աշխատանքից ազատել է ՆԳՆ մի շարք բարձրաստիճան պաշտոնյաների
«Հայաստանի 4-րդ Գյոյչայական Հանրապետությունը»
Արփինե Սարգսյանին փոխարինող են փնտրում. ո՞վ է թեկնածուն
«Նարեկ Օհանյանը մեղադրվում է հանցանքին օժանդակելու համար, սակայն կալանքի մեջ է որպես կատարող»․ Վահե Հովհաննիսյան
Երեկ իրենցքայլական անգրագետ «ադրբեջանագետ» պատգամավորներից մեկն ասել էր, որ իրենք պիտի ունենան՝ ուշադրություն՝ «Արցախը հետ բերելու ծրագիր»։ Այսօր՝ սորոսական դավաճան Արցախը հանձնածները ու էլի մի քանիսը լալահառաչ ստատուսներ են գրում, թե բա մնանք՝ պատասխանատվություն ստանձնենք։
Առաջին անգրագետին կոչ՝ դիպլոմդ այրիր։ Մյուսներին կոչ՝ Արցախի նախագահից Ստեփանակերտի ժամանակավոր քաղաքապետ դարձած Արայիկ Հարությունյանի ասած 44 օր բազմապատկած օրական միջինում 100 զոհերի նկարները վերցրեք, տարեք ձեր տուն ու աղոթեք։ Ապաշխարեք։
Արցախը պահելու ծրագիր չունեցող դավաճանների խմբակը խոսում է Արցախը հետ բերելուց։
Տգետի 50 տարվա տեսլականի մեջ Արցախ բառը չկա։ Վայ չէ կներեք, մի տեղ կար, թե բա մեզ մեղադրում են, որ Արցախը ուզում ենք ծախենք։ Ձեզ էլ ոչ մեկ չի մեղադրում՝ այլեւս միայն փաստ ենք արձանագրում։
Հայաստանը պահելու ծրագիր ունե՞ք։ Երեւի ճիշտ այնպես, ինչպես Արցախը։
Իշխանափոխությունից հետո ունեցել եմ լավ հարաբերություններ շատ իշխանականների հետ, չեմ ընդունել իշխանության մաս դառնալու առաջարկները մի քիչ պրիմիտիվ պատճառներով՝ դե անգրագետ եք, անբարո, սուտասան ու էլի տենց «թեթեւ» բաներ։
Հիմա եկել է ոչ թե սեւ/սպիտակի այլ Կարմիր գծերի ժամանակը։
Իմ կարմիր գիծը ստամոքսը չէ, այլ երկիրը։
Իմ կարմիր գիծը թուրքի առաջ գլուխ խոնարհած ու ստորագրած փաստաթուղթը չկարդացած ֆեյքը չէ, այլ հայրենիքը:
Իմ կարմիր գիծը նախկին/ ներկա տհասությունը չէ, այլ Հայաստանի ապագան։
Իմ կարմիր գիծը հերոսական բանակն է, ոչ թե անձամբ իր պարտությունը արդարացնելու համար հերոսական բանակին աշխարհի առաջ դավաճանների ու փախնողների խմբակ ներկայացնող դասալիքը։
Իմ կարմիր գիծը հայրենիք ունենալուն արժանի լինելն է, այլ ոչ արդարացում փնտրելը՝ սրա ձայնը, նրա դեմքը, նրա եսիմ ինչը դուր չի գալիս, դրա համար հաշտվում եմ։
Իմ կարմիր գիծը արժանապատվություն է։ Իմ առաջ, իմ կատարած աշխատանքի առաջ հայացք է խոնարհել ու պարտվել խորհրդային տարիներին Շուշիիում ծնված ադրբեջանցի պատգամավորը, որը իր ներսում իմացել է, որ հայկական Շուշի ինքը մուտք չունի ու չի ունենալու։ Դու իմաստազրկել ես իմ ու շատերի տարիների աշխատանքը։
Եթե անգամ քո կարմիր գիծը քո լավ ապրելն է, ուրեմն դու կհասկանաս, որ դա այլեւս միֆ է։ Թուրքը Հայաստանում է։ Առայժմ՝ Մեղրիում։ Քեզ համար ավելի կենցաղային բան ասեմ՝ դոլարի կուրսը նայիր։ Մի քիչ էլ կենցաղային բան ասեմ՝ ձախողակների խմբակի ֆինանսների նախարարը ասում է պիտի տամ պարգեւավճար սրանց, որ կառավարման որակը չընկնի։ Հասկացա՞ք։ Սրանք որակ ունեին։ Հիմա կընկնի։ Չընկած որակով զոհերի ու կորուստների թիվը նայեք, ու պատկերացրեք ընկած որակով ինչ կլինի։ Հաջորդ պատերազմի վայրը՝ ՀԱՅԱՍՏԱՆ։ Ուզո՞ւմ ես Հայաստանում ապրել՝ սկսիր մտածել։
Հ.Գ. Իրավապահ մարմինների աշխատակիցները թուրք ու դավաճան չեն, մեծ մասը՝ հաստատ։ Սորոսական որջի ծառաներին չհաշված։ Տղե՜րք մի բան հարցնեմ։ Բոլորին հավաքելու հրահանգ տալուց իրեն դուխո՞վ է պահում։ Տեսքն այնպիսին է, որ իրավիճակին տիրապետո՞ւմ է: Չէ բան չեմ ասում, ուղղակի հարցնում եմ։
Արփինե Հովհաննիսյանի ֆեյսբուքյան էջից
Հետևեք մեզ Facebook-ում