Աշոտ Մինասյանին բերման են ենթարկել Սիսիանի ԱԱԾ, այդ գործողությունը չի տեղավորվում իրավական որեւէ սահմանման մեջ. պաշտպան

Սիսական ջոկատի հրամանատար Աշոտ Մինասյանը` Աշոտ Երկաթը բերման է ենթարկվել Ազգային անվտանգության ծառայության կողմից։ Այս մասին Tert.am֊ի հետ զրույցում ասաց Աշոտ Մինասյանի փաստաբան Հրաչ Հակոբյանը։

«Աշոտ Մինասյանին բերման են ենթարկել ԱԱԾ Սիսիանի վարչություն։ Ինձ արգելել են տեսակցել Մինասյանին՝ նշելով, որ հարցաքննությունը տեղի է ունենալու Երևանում հետևաբար փաստաբանի տեսակցելու անհրաժեշտություն չկա»,֊ասաց Հակոբյանը՝նշելով,որ ԱԱԾ֊ի այս գործողությունն իրավական որևէ սահմանման մեջ չի տեղավորվում։

Հրաչ Հակոբյանը նաև հայտնեց, որ Աշոտ Մինասյանին բերման են ենթարկել ժամը 19։00֊ին, սակայն ՄԻՊ֊ին հայտնել են, որ ժամը 22։00֊ին են բերման ենթարկել և դեռ բերման ենթարկելու համար սահմանված երեք ժամը չի լրացել։