«Նիկոլ Փաշինյանը ժողովրդին անթասիբ կոչեց, հիմա դու ո՞ւր ես անթասիբ Նիկոլ». Իվետա Տոնոյան. Տեսանյութ
Ուզում եմ դիմել այն Նիկոլ Փաշինյանին, ով համարձակվեց հայ ժողովրդին անթասիբ կոչել, հիմա դիմում եմ քեզ անթասիբ Նիկոլ Փաշինյան, որտե՞ղ ես դու, համարձակություն ունեցիր, դուրս արի ժողովրդի մեջ, դուրս արի ամերիկյան դեսպանատների հովանավորչությունից, պատվալներից, սորոսի գրասենյակի հովանավորչությունից: Այս մասին Ազատության հրապարակից հայտարարեց «Բարգավաճ Հայաստան» կուսակցության պատգամավոր Իվետա Տոնոյանը:
«Ասում էիր, թե դու չես վախենում ժողովրդից, դուրս արի, արի կանգնիր ժողովրդի դիմաց ու ասա՝ ինչո՞ւ վաճառեցիր Արցախը, ինչո՞ւ դավաճանեցիր հայ ժողովրդին, դու այսօր պատսպարվում ես ԱԱԾ, ոստիկանության թիկունքում, այն ոստիկանության, որի զոհված 21 ոստիկանների անուններն անգամ պաշտոնապես մինչև այս պահը չես հայտարարել»,-ասաց նա և հավելեց.
«Դու անգամ ոստիկանների արժանապատվությունն ես պղծել, արժանապատվություն ունեցիր գոնե էդ վերջին նշույլները եթե առկա են, մտիր քո շատ սիրելի ֆեյսբուք, մտիր ուղիղ եթեր, ծնկի իջիր, ներողություն խնդրի հայ ժողովրդից, Արցախի ժոովրդից ու հրաժարական տուր»:
Տոնոյանը տեղեկացրեց, որ այս պահին էլ ուժային կառույցները հենց հիմա Գագիկ Ծառուկյանին տանում են ԱԱԾ : «Դու կրկին անգամ վախկոտի նման պատսպարվում ես ԱԱԾ թիկունքում, հենց հիմա ԲՀԿ պատգամավորների տներ են մտել, քննչական ծառայությունից ծանուցագիր են ուղարկում, ի՞նչ ես անելու, մեզ ես կալանավորելո՞ւ, մենք այստեղ ենք, հարգելի ոստիկաններ, տուն մի գնացեք, մեր ընտանիքներին մի՛ կպեք: Մեկ անգամ ևս արձանագրենք, եթե դու չես գալիս այստեղ Նիկոլ, եթե չես նայելու ժողովրդի աչքերին, եթե ծնկի չես իջնելու, ներողություն չես խնդրելու ժողովրդից, ուրեմն դու այլևս արժանապատվություն չունես, հեռացիր հենց հիմա»,- հայտարարեց նա:
Հետևեք մեզ Facebook-ում