Բեքարյան. Փաշինյանը պետք է ժամ առաջ հեռանա, իսկ ԳՇ պետն ու պաշտպանության նախարարը շատ բացատրելու բան ունեն ժողովրդին. Տեսանյութ

Մի շարք հարցեր կան, որ այդ խայտառակ փաստաթուղթը ստորագրելուց չի մտածել ընդհանրապես դրանց մասին, բավական չէ այն ժամանակ չի մտածել, հիմա էլ չի մտածում:Ազատության հրապարակում Tert.am-ի հետ զրույցում ասաց հասարակական-քաղաքական գործիչ Կարեն Բեքարյանը:

«Ի՞նչ է լինելու մարդկանց հետ՝ կապված անվտանգության իմաստով. պարզ բան՝ Ստեփանակերտը Շուշիից գտնվում է գիտեք, թե ինչ հեռավորության վրա, Շուշիիում ադրբեջանցիներն են և հետևաբար անվտանգության խնդիրը միայն նախատեսում է, որ պետք է ապահովի միայն ռուսական կոնտինգենտը, եթե պիտի ապահովի այդտեղ ի՞նչ դետալներ կան մարդկանց իրավունքների, գույքի, տեղաշարժի հետ կապված, ոչինչ արված չէ, ոչինչ մտածված չէ»,- նշեց նա:

Բեքարյանի խոսքով՝ այստեղ կա երկրորդ շատ էական խնդիրը՝ առաջին հայացքից թվում է՝ դա կարող էր կազմակերպվել Արցախի ղեկավաության կողմից, այնտեղ էլ ոչինչ արված չէ, մարդիկ կարողանում են ինչ-որ բանի մասին լսել, երբ քմահաճույքը ներում է և Արայիկ Հարությունյանը որոշում է մի հատ նորմալ ուղերձ անի, երկու տող բովանդակությամբ:

«Խնդիրը հետևյալն է՝ Նիկոլ Փշաինյանը ժամ առաջ պետք է գնա, որ այս հարցերը հստակ լուծման ու որոշակիության հնարավորություն ստանան. ով է զբաղվում, ինչպես է կազմակերպվում, ոնց է արվում, որ Արցախի քաղաքացիների շահերը պաշտպանված լինեն լիարժեք, դետալ առ դետալ, խնդիր առ խնդիր:

Արայիկ Հարությունյանի մոտ էլ, եթե մարդասիրության տարրական էլեմենտ մնացած լիներ, արդեն գնացած պետք է լիներ, որ այնտեղ եղած մեր ժողովուդը գնար մի մարդու հետ հարց լուծեր, ում նկատմամբ գոնե մինիմալ հարգանք ունի, ուրիշ բան չասեմ: Բնականաբար, մինչև այս հարցերը չլուծվեն, մինչև սրանք չհեռանան, մենք անգամ այդ տրիվյալ հարցերի մեջ պրոբլեմ ենք ունենալու, ուր մնաց այն խոշորները»,- ասաց նա:

Ինչ վերաբերում է բանակի հասցեին մեղադրանքներին, Բեքարյանն ասաց, որ բանակը լայն հասկացություն է: «Բանակի մեր բոլոր զինվորները, զինծառայողները, սպաները, գնացած աշխարհազորը, կամավորները սա մի հարց է և բանակ ի դեմս երկու անձի, որոնք կապ ունեն քաղաքականության պրոցեսի, որոշման ընդունման և ամբողջ կազմակերպման հետ, խոսքը պաշտպանության նախարարի և Գլխավոր շտաբի պետի մասին է, այլ՝ հարց: Աննկարագրելի մեծ քանակով հարցեր կան իրենց ուղղված: Իրենք այսպես թե այնպես այդ հարցերի պատասխանը պետք է տան մի օր, այս ընկերոջ՝ վարչապետի պաշտոնում կես ժամ ավելի կամ 25 րոպե պակաս մնալն իրենց այդ հարցերից չի ազատելու»,- ասաց նա և հարցրեց՝

ինչպե՞ս է, որ այդ շտաբից Արծրունը ստանում էր ինֆորմացիա, ժողովրդին խաբում էր՝ հաղթել ենք, հաղթում ենք, հաղթելու ենք և ինչպե՞ս էր այդ նույն ԳՇ-ից Նիկոլը ստանում ինֆորմացիա, գնում, ստորագրում այդ խայտառակ կապիտուլցիան:

«Եթե ԳՇ-ն իր ֆունկցիան կատարել է, ներկայացրել է իր չեղած գերագույն հրամանատարին, որ մենք ունենք իրավիճակ, որը ծանր է, նա ո՞նց էր պատերազմ սադրում, նա պատերազմ է սադրել երկու տարի շարունակ, եթե նա իր ԳՇ-ից այդ պատկերն ուներ, ո՞նց էր պատերազմ սադրում, եթե չուներ այդ պատկերը, ինչո՞ւ չուներ»,- ասաց նա:

Վերջինս նշեց, որ Փաշինյանն ամբողջ ընթացքում ստացել է առաջարկներ, մերժել է, ստացել է  առաջարկներ, մերժել է: «Այստեղ երկու կարևոր ուղերձ կա. առաջինն. անգամ պատերազմի ժամանակ էս երկրի վարչապետի հետ խոսացող չկար, ուլիտմատումի ձևով փստաթուղթը տալիս էին, պատասխանը՝ այո կամ ոչ էր և ոչ թե  բանակցություն, այդ նույն ժամանակ ո՞ւր էր ԳՇ պետը, որը չէր ասում, որ այս առաջարկը ընդունելի չէ, որովհետև բանակում վիճակն այդքան էլ հուսադրող չէ, կամ եթե ասվել է  ու էդ որոշումը չի ընդունվել, հիմա ինչո՞ւ է լռում»,- ասաց նա:

Բեքարյանի խոսքով՝ եթե այն ժամանակ ռազմական դրություն էր, պատերազմ էր, չէր ասում հասկանալի էր, բա հիմա ինչո՞ւ չի ասում: «Ժամանակն է և պետք է գնա, որ հնարավոր լինի էդ փաստաթղթից մի բան հետ բերել: Էդ մի բանը շատ փոքր է թվում առաջին հայացքից, բայց այդ մի բանը Հադրութ քաղաք է, Հադրութի, Մարտունու շրջան է ադրբեջանցու ձեռքը հայտնված մասով, էդ մի բանը Շուշի քաղաք է, Արցախի կարգավիճակի հարցը բանակցային օրակարգ բերել է, բա Գլխավոր շտաբ հիմա ինչո՞ւ ես լռում:  Նիկոլ Փաշինյանը պետք է օր առաջ գնա ու բոլոր հարցերին պատասխան տա, իսկ ԳՇ պետն ու պաշտպանության նախարարը այս ժողովրդին շատ բացատրելու բաներ ունեն ու ինչքան ուշ, ինչքան հետո այնքան, այդ բացատրելիքը բազմապատկված է լինելու, սա պետք է հասնի իրենց ուղեղին»,- ասաց նա: